ദേ​ശത്ത് രാ​സ​മാ​ലി​ന്യം ക​ത്തി​ച്ച​താ​യി പ​രാ​തി: 25,000 രൂ​പ പി​ഴ ഈ​ടാ​ക്കി

നെ​ടു​മ്പാ​ശേ​രി : ചെ​ങ്ങ​മ​നാ​ട് പ​ഞ്ചാ​യ​ത്തി​ലെ 14-ാം വാ​ർ​ഡി​ൽ അ​ന​ധി​കൃ​ത​മാ​യി സം​ഭ​രി​ച്ച ആ​ശു​പ​ത്രി മാ​ലി​ന്യ​ങ്ങ​ളും വ്യ​വ​സാ​യ​ശാ​ല​ക​ളി​ലെ രാ​സ​മാ​ലി​ന്യ​ങ്ങ​ള​ട​ക്കം നാ​ട്ടു​കാ​ർ​ക്ക് ദു​രി​ത​മാ​കുംവി​ധം ക​ത്തി​ച്ച വ്യ​ക്തി​ക്കെ​തി​രേ ചെ​ങ്ങ​മ​നാ​ട് പ​ഞ്ചാ​യ​ത്ത് ന​ട​പ​ടി സ്വീ​ക​രി​ച്ചു. മാ​ലി​ന്യം ത​ള്ളി​യ ഏ​ജ​ൻ​സി​യെ ക​ണ്ടെ​ത്തി 25,000രൂ​പ പി​ഴ അ​ട​പ്പി​ക്കു​ക​യും അ​ല​ക്ഷ്യ​മാ​യി ത​ള്ളി​യ മാ​ലി​ന്യം നി​ക്ഷേ​പി​ച്ച​വ​രെ കൊ​ണ്ട് അത് കോ​രി മാ​റ്റി​ക്കു​ക​യും ചെ​യ്തു.മാ​ലി​ന്യം സം​ഭ​രി​ച്ച സ്ഥ​ല​ത്തി​ന്‍റെ ഉ​ട​മ​യാ​യ പു​റ​യാ​ർ സ്വ​ദേ​ശി ജ​ലീ​ലി​നും പ​ഞ്ചാ​യ​ത്ത് നോ​ട്ടീ​സ് ന​ൽ​കും.

വെ​ള്ളി​യാ​ഴ്ച രാ​ത്രി​യോ​ടെയാ​ണ് മ​ലപോ​ലെ സം​ഭ​രി​ച്ച മാ​ലി​ന്യം നാ​ട്ടു​കാ​ർ​ക്ക് ദു​രി​ത​മാ​കും വി​ധം അ​ല​ക്ഷ്യ​മാ​യി ക​ത്തി​ച്ച​ത്. പ​രി​സ​ര​മാ​കെ പു​ക പ​ട​ർ​ന്ന് സ​മീ​പ​വാ​സി​ക​ളാ​യ വ​യോ​ധി​ക​ർ, കു​ട്ടി​ക​ൾ, രോ​ഗി​ക​ള​ട​ക്കം ദു​രി​ത​ത്തി​ലാ​വു​ക​യാ​യി​രു​ന്നു.

രോ​ഷാ​കു​ല​രാ​യ നാ​ട്ടു​കാ​ർ പ്ര​തി​ഷേ​ധ​വു​മാ​യെ​ത്തി. തു​ട​ർ​ന്ന് രാ​ത്രി​യി​ൽ അ​ഗ്നിര​ക്ഷാ സേ​ന​യും പോ​ലീ​സും നാ​ട്ടു​കാ​രും ചേ​ർ​ന്നാ​ണ് തീ ​കെ​ടു​ത്തി​യ​ത്. പ​രാ​തി​യെ​ത്തു​ട​ർ​ന്ന് ശ​നി​യാ​ഴ്ച രാ​വി​ലെ ഹെ​ൽ​ത്ത് ഇ​ൻ​സ്പെ​ക്ട​ർ പി.​ഇ.​ അ​നീ​സ, പ​ഞ്ചാ​യ​ത്ത് ക്ല​ർ​ക്ക് പി.​ജെ.​ജോ​ഷി, വാ​ർ​ഡ് മെന്പർ ടി.​വി.​സു​ധീ​ഷ് തു​ട​ങ്ങി​യ​വ​ർ സ്ഥ​ല​ത്തെ​ത്തി നി​ജ​സ്ഥി​തി ക​ണ്ടെ​ത്തി​യ​തോ​ടെ​ കു​റ്റ​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ച്ചു.

പു​റ​യാ​ർ പ്ര​ദേ​ശ​ത്ത് ഇ​തി​ന് മു​മ്പും ഇ​ത്ത​ര​ത്തി​ൽ വ്യാ​പ​ക​മാ​യി മാ​ലി​ന്യം ത​ള്ളാ​റു​ള്ള​താ​യും, നി​ര​വ​ധി ത​വ​ണ പ​ഞ്ചാ​യ​ത്ത​ധി​കാ​രി​ക​ൾ അ​ട​ക്ക​മു​ള്ള​വ​ർ​ക്ക് നാ​ട്ടു​കാ​ർ പ​രാ​തി ന​ൽ​കി​യി​ട്ടു​മു​ണ്ട്.