തൃക്കൂർ: ആലേങ്ങാട് നിയന്ത്രണംവിട്ട കാർ മരത്തിലിടിച്ച് അഞ്ചുപേർക്കു പരിക്ക്. കല്ലൂർ ചിറ്റിലപ്പിള്ളി ജോസിന്റെ മകൻ ലിജോ(38), അമ്മ ലില്ലി (70), ലിജോയുടെ മക്കളായ ഇമ്മാനുവൽ (10), ജോനാഥൻ(6), എസ്റ്റേർഡ്(2) എന്നിവർക്കാണു പരിക്ക്. ആന്പല്ലൂർ - കള്ളായി റോഡിൽ ആലേങ്ങാട് കർഷകവിപണന കേന്ദ്രത്തിനു സമീപം സമീപം ഇന്നലെ ഉച്ചയ്ക്ക് ഒന്നരയോടെയായിരുന്നു അപകടം.
റോഡരികിലെ മരത്തിലിടിച്ച കാറിന്റെ മുൻഭാഗം തകർന്നു. പരിക്കേറ്റവരെ നാട്ടുകാർ തൃശൂരിലെ സ്വകാര്യ ആശുപത്രിയിലെത്തിച്ചു. ആരുടെയും നില ഗുരുതരമല്ല.
റോഡരികിലെ മരത്തിലിടിച്ച കാറിന്റെ മുൻഭാഗം തകർന്നു. പരിക്കേറ്റവരെ നാട്ടുകാർ തൃശൂരിലെ സ്വകാര്യ ആശുപത്രിയിലെത്തിച്ചു. ആരുടെയും നില ഗുരുതരമല്ല.