മൂവാറ്റുപുഴ: കേന്ദ്ര സർവകലാശാലകളിലേക്കും പ്രീമിയർ സ്ഥാപനങ്ങളിലേക്കുമുള്ള കോമൺ യൂണിവേഴ്സിറ്റി എൻട്രൻസ് പരീക്ഷയ്ക്ക് (സിയുഇടി) സംസ്ഥാനത്തെ വിദ്യാർഥികളെ സജ്ജരാക്കുന്നതിനായി പൊതുവിദ്യാഭ്യാസ വകുപ്പ്, സംസ്ഥാന ഹയർ സെക്കൻഡറി വിഭാഗം, കരിയർ ഗൈഡൻസ് ആൻഡ് അഡോളസൻസ് കൗൺസിലിംഗ് സെൽ നടപ്പാക്കുന്ന ‘പ്രയാൺ-2023’ പദ്ധതിയുടെ ജില്ലാതല ഉദ്ഘാടനവും യാത്രയയപ്പ് സമ്മേളനവും നടന്നു. സെന്റ് അഗസ്റ്റിൻസ് ഗേൾസ് ഹയർ സെക്കൻഡറി സ്കൂൾ പ്രിൻസിപ്പൽ സിസ്റ്റർ ജ്യോതി മരിയ ഉദ്ഘാടനം ചെയ്തു. ഹയർ സെക്കൻഡറി കരിയർ ഗൈഡൻസ് സെൽ ജില്ലാ കോ-ഓർഡിനേറ്റർ സി.എ. ബിജോയ് അധ്യക്ഷത വഹിച്ചു.
ഓഫ്ലൈൻ ഓൺലൈൻ ക്ലാസുകൾ സമന്വയിപ്പിച്ചാണ് വിദ്യാഭ്യാസ വകുപ്പ് ‘പ്രയാൺ' പദ്ധതി സംഘടിപ്പിക്കുന്നത്. സംസ്ഥാന തലത്തിൽ പ്രത്യേകം പരിശീലനം ലഭിച്ച 100 അധ്യാപകരുടെ പാനൽ വിദ്യാഭ്യാസ വകുപ്പ് ഇതിനായി തയാറാക്കിയിട്ടുണ്ട്. ഓൺലൈനായി അപേക്ഷ സമർപ്പിക്കാനുള്ള തീയതി ഇന്ന് അവസാനിക്കും. പരീക്ഷാ തീയതി മേയ് 21 മുതൽ 31 വരെയാണ്. കൂടുതൽ വിവരങ്ങൾക്ക് അതാത് ഹയർ സെക്കൻഡറി സ്കൂളുകളിലെ കരിയർ ഗൈഡുമാരെ സമീപിക്കണം.
ഓഫ്ലൈൻ ഓൺലൈൻ ക്ലാസുകൾ സമന്വയിപ്പിച്ചാണ് വിദ്യാഭ്യാസ വകുപ്പ് ‘പ്രയാൺ' പദ്ധതി സംഘടിപ്പിക്കുന്നത്. സംസ്ഥാന തലത്തിൽ പ്രത്യേകം പരിശീലനം ലഭിച്ച 100 അധ്യാപകരുടെ പാനൽ വിദ്യാഭ്യാസ വകുപ്പ് ഇതിനായി തയാറാക്കിയിട്ടുണ്ട്. ഓൺലൈനായി അപേക്ഷ സമർപ്പിക്കാനുള്ള തീയതി ഇന്ന് അവസാനിക്കും. പരീക്ഷാ തീയതി മേയ് 21 മുതൽ 31 വരെയാണ്. കൂടുതൽ വിവരങ്ങൾക്ക് അതാത് ഹയർ സെക്കൻഡറി സ്കൂളുകളിലെ കരിയർ ഗൈഡുമാരെ സമീപിക്കണം.