പോത്താനിക്കാട്: സിപിഎം പൈങ്ങോട്ടൂർ ലോക്കൽ കമ്മിറ്റി കടവൂരിൽ നിർമിച്ചു നൽകിയ ‘കനിവ്’ഭവനത്തിന്റെ താക്കോൽ ദാനം ജില്ലാ സെക്രട്ടറിയേറ്റംഗം ആർ. അനിൽകുമാർ നിർവഹിച്ചു. പുതകുളത്ത് ബ്ലായിൽ ഗോപിദാസിന്റെ കുടുംബത്തിന് 600 സ്ക്വയർ ഫീറ്റിൽ മൂന്നു മുറികളോട് കൂടിയ വീടാണ് നിർമിച്ചിട്ടുള്ളത്. ചടങ്ങിൽ സിപിഎം കവളങ്ങാട് ഏരിയ സെക്രട്ടറി ഷാജി മുഹമ്മദ്, ജില്ലാ കമ്മിറ്റിയംഗം എ.എ. അൻഷാദ്, പൈങ്ങോട്ടൂർ പഞ്ചായത്ത് പ്രസിഡന്റ് സീമ സിബി, തുടങ്ങിയ വർ പ്രസംഗിച്ചു.