പുന്നംപറന്പ്: മച്ചാട് ലയണ്സ് ക്ലബ്ബിന്റെ നേതൃത്വത്തിൽ സൗജന്യ മെഗാമെഡിക്കൽ കാന്പ്് സംഘടിപ്പിച്ചു. വടക്കാഞ്ചേരി മാക്സ് കെയർ ആശുപത്രിയിലെ വിദഗ്ധ ഡോക്ടർമാർ പങ്കെടുത്തു. ജനറൽ സർജറി, ജനറൽ മെഡിസിൻ, ശിശുരോഗ വിഭാഗം, ആയുർവേദം, ചെവി, തൊണ്ട, മൂക്ക് എന്നീ വിഭാഗങ്ങളിലെ ഡോക്ടർമാർ ചികിത്സക്ക് നേതൃത്വം നൽകി. മച്ചാട് സ്കൂൾ പരിസരത്തെ ശ്രീ ധന്വന്തരീയം ആയുർവേദ നഴ്സിംഗ് ഹോം റിസർച്ച് സെന്ററിൽ നടന്ന കാന്പിൽ സൗജന്യ പ്രഷർ, ഷുഗർ പരിശോധനയോടൊപ്പം മരുന്ന് വിതരണവും ഉണ്ടായി. തെക്കുംകര പഞ്ചായത്ത് പ്രസിഡന്റ് ടി.വി. സുനിൽകുമാർ ഉദ്ഘാടനംചെയ്തു. ലയണ്സ് ക്ലബ്ബ് പ്രസിഡന്റ് ഷാജു തോമസ് അധ്യക്ഷനായി. പഞ്ചായത്ത് മെന്പർമാരായ കെ. രാമചന്ദ്രൻ, എ.ആർ. കൃഷ്ണൻകുട്ടി, പി.ടി. മണികണ്ഠൻ, തോമസ് അക്കര, റോജസ് ആലപ്പാട്ട്, ജോർജ് കുണ്ടുകുളം എന്നിവർ സംസാരിച്ചു.