കൊടുങ്ങലൂർ: വിഷം കഴിച്ച് താലൂക്ക് ഹോസ്പിറ്റലിൽ ചികിത്സക്കെത്തിയ യുവതിയെ ആബുലൻസിൽവച്ച് പീഡിപ്പിച്ചതിൽ ഉൾപ്പെട്ട പ്രതിയെ പുറത്താക്കണമെന്നാവശ്യപ്പെട്ട് ബിജെപി കൊടുങ്ങലൂർ മണ്ഡലം കമ്മറ്റിയുടെ നേതൃത്വത്തിൽ താലൂക്ക് ആശുപത്രിക്കു മുന്നിൽ പ്രതിഷേധം സംഘടിപ്പിച്ചു. ജില്ലാ സെക്രട്ടറി ലോചനൻ അന്പാട്ട് ഉദ്ഘാടനം ചെയ്തു. മണ്ഡലം പ്രസിഡന്‍റ് കെ.എസ്. വിനോദ് അധ്യക്ഷതവഹിച്ചു. പാർട്ടി ക്രിമിനലുകളെ പിൻവാതിൽ നിയമനം നടത്തി സംരക്ഷിക്കുകയാണ് ചെയർപേഴ്സണും നഗരസഭാ ഭരണസമിതിയും ചെയ്യുന്നതെന്നും താലൂക്ക് ഹോസ്പിറ്റലിൽ നിലവിൽ നടത്തിയ നിയമനങ്ങളെകുറിച്ച് ആരോഗ്യവകുപ്പ് അടിയന്തരമായി അന്വേഷിക്കണമെന്നും ലോചനൻ അന്പാട്ട് ആവശ്യപ്പെട്ടു. സംസ്ഥാന കൗണ്‍സിൽ അംഗങ്ങളായ വി.ജി. ഉണ്ണികൃഷ്ണൻ, ടി.ബി. സജീവൻ, കെ.ആർ. വിദ്യാസാഗർ, നഗരസഭാപ്രതിപക്ഷനേതാവ് ടി.എസ്. സജീവൻ, സ്റ്റാൻഡിംഗ് കമ്മിറ്റി ചെയർമാൻ ഒ.എൻ. ജയദേവൻ തുടങ്ങിയവർ സംസാരിച്ചു.
കൊടുങ്ങല്ലൂർ: പീഡനത്തിൽ പ്രതിഷേധിച്ച് കൊടുങ്ങല്ലൂർ താലൂക്ക് ആശുപത്രിയിലേക്ക് യൂത്ത് കോണ്ഗ്രസിന്റെ പ്രതിഷേധ മാർച്ചും ധർണയും നടത്തി. ജീവനക്കാരനെ സംരക്ഷിക്കുന്ന നയമാണ് ആശുപത്രി അധികൃതർ നടത്തുന്നതെന്നും ഒരു യുവതിയെ റഫറ് ചെയ്യുന്പോൾ ഒരു പുരുഷനെ വിട്ടതിൽ ദുരൂഹതയുണ്ടെന്നും യൂത്ത് കോണ്ഗ്രസ് ആരോപിക്കുന്നു. ഇതിന് പിന്നിൽ പ്രവർത്തിച്ച മുഴുവൻ പേരേയും നിയമത്തിന് മുന്നിൽ കൊണ്ടുവരണമെന്ന് യോഗം ആവശ്യപ്പെട്ടു നഗരസഭ കൗണ്‍സിലർ വി.എം. ജോണി ഉദ്ഘാടനം ചെയ്തു. നിഷാഫ് കുര്യാപ്പിള്ളി അധ്യക്ഷതവഹിച്ചു. ഇ.എസ്. സാബു, കെ.പി. സുനിൽകുമാർ, വി.എസ്. അരുണ്‍ രാജ്, പി.എ. മനാഥ്, എൻ.എസ്. സലിമുദ്ധീൻ, മുസമ്മിൽ എന്നിവർ പ്രസംഗിച്ചു.
കൊടുങ്ങല്ലൂർ: പീഡനത്തിൽ പ്രതിഷേധിച്ച് കൊടുങ്ങല്ലൂർ താലൂക്ക് ആശുപത്രിയിലേക്ക് യൂത്ത് കോണ്ഗ്രസിന്റെ പ്രതിഷേധ മാർച്ചും ധർണയും നടത്തി. ജീവനക്കാരനെ സംരക്ഷിക്കുന്ന നയമാണ് ആശുപത്രി അധികൃതർ നടത്തുന്നതെന്നും ഒരു യുവതിയെ റഫറ് ചെയ്യുന്പോൾ ഒരു പുരുഷനെ വിട്ടതിൽ ദുരൂഹതയുണ്ടെന്നും യൂത്ത് കോണ്ഗ്രസ് ആരോപിക്കുന്നു. ഇതിന് പിന്നിൽ പ്രവർത്തിച്ച മുഴുവൻ പേരേയും നിയമത്തിന് മുന്നിൽ കൊണ്ടുവരണമെന്ന് യോഗം ആവശ്യപ്പെട്ടു നഗരസഭ കൗണ്‍സിലർ വി.എം. ജോണി ഉദ്ഘാടനം ചെയ്തു. നിഷാഫ് കുര്യാപ്പിള്ളി അധ്യക്ഷതവഹിച്ചു. ഇ.എസ്. സാബു, കെ.പി. സുനിൽകുമാർ, വി.എസ്. അരുണ്‍ രാജ്, പി.എ. മനാഥ്, എൻ.എസ്. സലിമുദ്ധീൻ, മുസമ്മിൽ എന്നിവർ പ്രസംഗിച്ചു.
