വാഴക്കുളം: വിശ്വജ്യോതി എൻജിനീയറിംഗ് കോളജിൽ ഇലക്ട്രിക്കൽ ആന്‍ഡ് ഇലക്ട്രോണിക്സ് എൻജിനീയറിംഗ് ഡിപ്പാർട്ടുമെന്‍റിൽ ‘ഇലക്ടിക്കൽ എൻജിനീയറിംഗ് പ്രാക്ടീസിസ് ഇൻ ഇൻഡസ്ട്രി’ എന്ന വിഷയത്തിൽ ആരംഭിച്ച ആഡ് ഓണ്‍ കോഴ്സ് കോളജ് മാനേജർ മോണ്. ഡോ. പയസ് മലേക്കണ്ടത്തിൽ ഉദ്ഘാടനം ചെയ്തു. പ്രിൻസിപ്പൽ കെ.കെ. രാജൻ, വൈസ് പ്രിൻസിപ്പൽ സോമി പി. മാത്യു, ഇലക്ട്രിക്കൽ എൻജിനീയറിംഗ് വിഭാഗം മേധാവി സോണി കുര്യൻ, സ്കിൽ ഡെവലപ്മെന്‍റ് ആന്‍ഡ് കോംപീറ്റൻസി എൻഹാൻസ്മെന്‍റ് കോ-ഓർഡിനേറ്റർ ഫാ. മാത്യു പുത്തൻകുളം, മരിയ ബേബി എന്നിവർ പ്രസംഗിച്ചു. ഇൻഡസ്ട്രീസിലെ നൂതന സംവിധാനങ്ങളെക്കുറിച്ച് വിദ്യാർഥികൾക്ക് പരിചയപ്പെടുത്തുന്നതിനും കൂടുതൽ പരിജ്ഞാനം നൽകുന്നതിനുമുള്ള കോഴ്സുകളാണ് വിഭാവനം ചെയ്തിട്ടുള്ളത്.
