ഇലഞ്ഞി: വിസാറ്റ് എൻജിനീയറിംഗ് കോളജിലെ ഐഇഇഇ സ്റ്റുഡൻസ് ബ്രാഞ്ചും ഇലക്ട്രോണിക്സ് ആന്‍ഡ് കമ്യൂണിക്കേഷൻസ് ഡിപ്പാർട്ട്മെന്‍റും സംയുക്തമായി ‘ഇന്‍റലക്ച്വൽ പ്രോപ്പർട്ടി റൈറ്റ്സ് ആന്‍ഡ് പേറ്റന്‍റ് ആന്‍ഡ് ഡിസൈൻ ഫൈലിം’ എന്ന വിഷയത്തിൽ വിദ്യാർഥികൾക്കായി സെമിനാർ നടത്തി. ഡെപ്യൂട്ടി കണ്ട്രോളർ ഓഫ് പേറ്റന്‍റ് ആന്‍ഡ് ഡിസൈൻ അനൂപ് കെ. ജോയി ഉദ്ഘാടനം ചെയ്തു. കോളജ് പ്രിൻസിപ്പൽ കെ.ജെ. അനൂപ് അധ്യക്ഷത വഹിച്ചു. വിസാറ്റ് ഗ്രൂപ്പ് ഓഫ് കോളജ് ഡയറക്ടർ റിട്ട. വിംഗ് കമാണ്ടർ പ്രമോദ് നായർ, രജിസ്ട്രാർ പ്രഫ. പി.എസ്. സുബിൻ, പിആർഒ ഷാജി ആറ്റുപുറം, ഡീന്മാരായ ലഫ്റ്റനന്‍റ് ടി.ഡി. സുഭാഷ്, പ്രഫ. ബിന്ദു ഏലിയാസ്, കോ ഓർഡിനേറ്റർ അസിസ്റ്റന്‍റ് പ്രഫ. കെ. ഹിമ തുടങ്ങിയവർ പ്രസംഗിച്ചു. ശേഷം ഇന്ത്യൻ പേറ്റന്‍റ് ഓഫീസ് ചെന്നൈയിൽ നിന്നെത്തിയ ഡെപ്യൂട്ടി കണ്ട്രോളർ ഓഫ് പേറ്റന്‍റ് ആന്‍ഡ് ഡിസൈൻ അനൂപ് കെ. ജോയ് വിദ്യാർഥികൾക്കായി ക്ലാസ് നയിച്ചു.
