അങ്ങാടിപ്പുറം: സദസിനെ ചിരിപ്പിച്ചും കരയിപ്പിച്ചും ചിന്തിപ്പിച്ചും വേദിയിൽ നിറഞ്ഞാടിയ ടി.പി. ശ്രേയ മനോജ്, മലപ്പുറം ജില്ലാ കലോത്സവത്തിലെ ഹൈസ്കൂൾ വിഭാഗം നാടകത്തിൽ മികച്ച നടിയായി തെരഞ്ഞെടുക്കപ്പെട്ടു. പരിയാപുരം സെന്റ് മേരീസ് ഹയർ സെക്കൻഡറി സ്കൂൾ അവതരിപ്പിച്ച ’നാടകം ആൻ അണ്പാർലമെന്ററി വേഡ് ’ എന്ന നാടകത്തിലായിരുന്നു ശ്രേയയുടെ ശ്രദ്ധേയമായ പ്രകടനം.
പിൻബഞ്ചുകാരായ കുട്ടികളുടെ നൊന്പരങ്ങളും സ്വപ്നങ്ങളും അവർ ഉയർത്തുന്ന ചോദ്യങ്ങളുമാണ് പരിയാപുരം സ്കൂളിന്റെ നാടകത്തെ സജീവമാക്കിയത്.
മത്സരത്തിൽ നാടകം നാലാം സ്ഥാനത്തായിപ്പോയെങ്കിലും മികവാർന്ന പ്രകടനത്തിലൂടെ ശ്രേയ കാണികളുടെ കണ്ണിലുണ്ണിയായി. ഒൻപതാം ക്ലാസ് വിദ്യാർത്ഥിയായ ഈ മിടുക്കി കൊളത്തൂർ ഓണപ്പുട തോട്ടോപള്ളിയാലിൽ ടി.പി.മനോജ് കുമാറിന്റെയും കെ.സുചിത്രയുടെയും മകളാണ്.ഇതേ നാടകത്തിലെ ഭവ്യ ദിലീപ്കുമാർ മങ്കട ഉപജില്ലാ നാടക മത്സരത്തിൽ മികച്ച നടിയായി തെരഞ്ഞെടുക്കപ്പെട്ടിരുന്നു. പ്രവീണ് കോട്ടയ്ക്കലാണ് നാടകത്തിന്റെ സംവിധായകൻ.
പിൻബഞ്ചുകാരായ കുട്ടികളുടെ നൊന്പരങ്ങളും സ്വപ്നങ്ങളും അവർ ഉയർത്തുന്ന ചോദ്യങ്ങളുമാണ് പരിയാപുരം സ്കൂളിന്റെ നാടകത്തെ സജീവമാക്കിയത്.
മത്സരത്തിൽ നാടകം നാലാം സ്ഥാനത്തായിപ്പോയെങ്കിലും മികവാർന്ന പ്രകടനത്തിലൂടെ ശ്രേയ കാണികളുടെ കണ്ണിലുണ്ണിയായി. ഒൻപതാം ക്ലാസ് വിദ്യാർത്ഥിയായ ഈ മിടുക്കി കൊളത്തൂർ ഓണപ്പുട തോട്ടോപള്ളിയാലിൽ ടി.പി.മനോജ് കുമാറിന്റെയും കെ.സുചിത്രയുടെയും മകളാണ്.ഇതേ നാടകത്തിലെ ഭവ്യ ദിലീപ്കുമാർ മങ്കട ഉപജില്ലാ നാടക മത്സരത്തിൽ മികച്ച നടിയായി തെരഞ്ഞെടുക്കപ്പെട്ടിരുന്നു. പ്രവീണ് കോട്ടയ്ക്കലാണ് നാടകത്തിന്റെ സംവിധായകൻ.