ദു​രി​താ​ശ്വാ​സ തു​ക ന​ൽ​കി​യി​ല്ല; ദു​ര​ന്ത നി​വാ​ര​ണ അ​ഥോ​റി​റ്റി​യുടെ വാ​ഹ​നം ജ​പ്തി ചെ​യ്തു

കാ​ക്ക​നാ​ട്: പ്ര​ള​യ ദു​രി​താ​ശ്വാ​സ തു​ക ന​ൽ​കാ​ത്ത​തി​നെ​തു​ട​ർ​ന്ന് ജില്ലാ ദു​ര​ന്ത നി​വാ​ര​ണ അ​ഥോ​റി​റ്റി​യു​ടെ വാ​ഹ​നം കോ​ട​തി ജ​പ്തി ചെ​യ്തു. ക​ട​മ​ക്കു​ടി സ്വ​ദേ​ശി കെ.​പി. സാ​ജു​വി​ന്‍റെ പ​രാ​തി​യി​ലാ​ണ് എ​റ​ണാ​കു​ളം മു​ൻ​സി​ഫ് കോ​ട​തി ദു​ര​ന്ത നി​വാ​ര​ണ അ​ഥോ​റി​റ്റി​യു​ടെ ബൊ​ലേ​റോ ജീ​പ്പ് ജ​പ്തി ചെ​യ്ത​ത്. ക​ഴി​ഞ്ഞ പ്ര​ള​യ​ത്തി​ൽ ഭി​ത്തി​ക​ൾ വി​ണ്ടുകീ​റി സാ​ജു​വി​ന്‍റെ വീ​ട് അ​പ​ക​ടാ​വ​സ്ഥ​യി​ലാ​യി​രു​ന്നു. വീ​ടി​ന്‍റെ നാ​ശ ന​ഷ്ട​ങ്ങ​ളു​ടെ ക​ണ​ക്കെ​ടു​ത്ത് ഉ​ദ്യോ​ഗ​സ്ഥ​ർ മ​ട​ങ്ങി​യെ​ങ്കി​ലും അ​ടി​യ​ന്തര സ​ഹാ​യ​മാ​യ 10,000 രൂ​പ മാ​ത്ര​മാ​ണ് ന​ൽ​കി​യ​ത്. കു​ടു​ത​ൽ തു​ക അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് അ​പേ​ക്ഷ ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. തു​ട​ർ​ന്ന് ക​ലൂ​രി​ൽ ന​ട​ന്ന ലോ​ക് അ​ദാ​ല​ത്തി​ൽ പ​ങ്കെ​ടു​ത്ത് സാ​ജു പ​രാ​തി ബോ​ധി​പ്പി​ച്ചു. തുടർന്ന് എ​ത്ര​യും വേ​ഗം 2,10,000 രൂ​പ ന​ഷ്ട​പ​രി​ഹാ​രം ന​ൽ​കാ​ൻ 2021 ഓ​ഗ​സ്റ്റി​ൽ ഉ​ത്ത​ര​വാ​യി.
ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ പ​ഞ്ചാ​യ​ത്തി​ലും ജി​ല്ലാ ക​ള​ക്ട​റു​ടെ ഓ​ഫീസി​ലും ക​യ​റിയി​റ​ങ്ങി​യെ​ങ്കി​ലും യാ​തൊ​രു ഫ​ല​വു​മു​ണ്ടാ​യി​ല്ല. ഇ​തോ​ടെ സാ​ജു എ​റ​ണാ​കു​ളം മു​ൻ​സി​ഫ് കോ​ട​തി​യെ സ​മീ​പി​ക്കു​ക​യാ​യി​രു​ന്നു. കോ​ട​തി വി​ശ​ദീ​ക​ര​ണം ചോ​ദി​ച്ച​പ്പോ​ൾ മു​ഖ്യ​മ​ന്ത്രി ഫ​യ​ൽ ഒ​പ്പി​ടാ​ത്ത​തി​നാ​ലാ​ണ് ന​ഷ്ട​പ​രി​ഹാ​രം ന​ൽ​കാ​ൻ ക​ഴി​യാ​ത്ത​തെ​ന്നാ​യി​രു​ന്നു ജി​ല്ലാ ദു​ര​ന്ത നി​വാ​ര​ണ അ​ഥോ​റി​റ്റി​യു​ടെ മ​റു​പ​ടി. ​മ​റു​പ​ടി തൃ​പ്തി​ക​ര​മ​ല്ലാ​ത്ത​തി​നാ​ൽ ദു​ര​ന്ത​നി​വാ​ര​ണ അ​ഥോ​റി​റ്റി​യു​ടെ കെഎ​ൽ 07​ സിഎ 8181 ര​ജി​സ്ട്രേ​ഷ​നി​ലു​ള്ള ബൊ​ലേ​റോ ജീ​പ്പ് ജ​പ്തി ചെ​യ്യാ​ൻ കോ​ട​തി ഉ​ത്ത​ര​വി​ടു​ക​യാ​യി​രു​ന്നു. അ​തേ സ​മ​യം ന​ഷ്ട​പ​രി​ഹാ​രം വൈ​കി​യ​തി​നാ​ൽ സാ​ജു​വി​ന്‍റെ വീ​ടി​ന്‍റെ അ​റ്റ​കു​റ്റ​പ്പ​ണി ന​ട​ത്താ​ൻ ക​ഴി​യാ​തെ വാ​സ​യോ​ഗ്യ​മ​ല്ലാ​താ​കുക​യും വായ്പ എ​ടു​ത്ത് പു​തി​യ വീ​ട് വ​യ്ക്കു​ക​യും ചെ​യ്തി​രു​ന്നു.