തൃപ്പൂണിത്തുറ: കോടതി വളപ്പിൽ കസ്റ്റഡിയിൽനിന്നു ചാടിപ്പോകാൻ ശ്രമിച്ച പ്രതിയെ പോലീസ് കീഴടക്കി. മാർക്കറ്റ് റോഡ് പൊയ്ന്തറ കോളനി മാലായിൽ അഖിലാണ് (അച്ചു - 27) ഇന്നലെ രാവിലെ തൃപ്പൂണിത്തുറ ഒന്നാം ക്ലാസ് മജിസ്ട്രേട്ട് കോടതിയിൽ ഹാജരാക്കാനെത്തിച്ചപ്പോൾ ചാടിപ്പോകാൻ ശ്രമിച്ചത്. പിടി വിടുവിച്ച് ഓടാൻ ശ്രമിച്ച ഉടനെ തന്നെ ഹിൽപാലസ് സിഐ സി. ഗോപകുമാറും സംഘവും ബലപ്രയോഗത്തിലൂടെ അഖിലിനെ കീഴടക്കുകയായിരുന്നു. പുത്തൻകുരിശ് വരിക്കോലി ചെമ്മനാട് ചൂരക്കുളത്തിൽ വാടകയ്ക്കു താമസിക്കുന്ന പ്രവീൺ ഫ്രാൻസിസിനെ(42) കുത്തിക്കൊലപ്പെടുത്തിയ കേസിൽ കസ്റ്റഡിയിൽ വാങ്ങാൻ എത്തിച്ചതായിരുന്നു പ്രതിയെ.