ബാഹുബലിയിലെ അഭിനയ തിരക്ക് കാരണം പ്രഭാസ് 6,000 വിവാഹാലോചനകൾ വേണ്ടെന്നു വച്ചുവെന്നും പ്രമുഖ വ്യവസായിയുടെ മകളുമായി പ്രഭാസിന്‍റെ വിവാഹം ഉറപ്പിച്ചെന്നുമുള്ള വാർത്തകൾ ഇതിന്‍റെ ഭാഗമായി പ്രചരിച്ചിരുന്നുവെങ്കിലും പ്രഭാസ് അതെല്ലാം നിരസിക്കുകയായിരുന്നു. മാത്രമല്ല ഇത്തരത്തിൽ ആരാധകർ നെയ്തുകൂട്ടുന്ന കഥകളിൽ തനിക്ക് വിഷമമുണ്ടെന്നും പ്രഭാസ് പറഞ്ഞിരുന്നു. കുറച്ചു നാളുകൾക്കു മുന്പ് ബോളിവുഡ് താരം രവീണ ടണ്ഡൻ ഹൈദരാബാദിൽ ഒരുക്കിയ പാർട്ടിയിൽ ഇരുവരും പങ്കെടുത്തിരുന്നു. ഇതെല്ലാമാണ് ഇരുവരും തമ്മിൽ വിവാഹിതരാകുന്നുവെന്ന ഗോസിപ്പുകൾക്ക് ശക്തിനൽകിയത്.
ഇപ്പോഴിതാ, ചാറ്റ് ഷോയ്ക്കിടെ ഇതേ കാര്യത്തെക്കുറിച്ച് ചോദ്യമുന്നയിച്ച ചാനൽ അവതാരകയ്ക്ക് അനുഷ്ക നൽകിയ കിടിലൻ മറുപടി സോഷ്യൽ മീഡിയയിൽ വൈറലാകുകയാണ്. പ്രഭാസുമായുള്ള വിവാഹത്തെക്കുറിച്ചുള്ള അവതാരകയുടെ ചോദ്യം കേട്ട് ആദ്യമൊന്ന് അന്പരന്ന അനുഷ്ക നിങ്ങളുടെ ജീവിതത്തിന്‍റെ വിലപ്പെട്ട സമയം എന്‍റെ വ്യക്തപരമായ കാര്യത്തിനുവേണ്ടി മാറ്റി വെച്ചതിനു നന്ദി. ദേവസേനയും ബാഹുബലിയും സിനിമയിലെ കഥാപാത്രങ്ങൾ മാത്രമാണ് അതിനപ്പുറം ഒരു രസതന്ത്രവും അത് അവതരിപ്പിച്ച ആളുകൾക്കില്ല. അതുകൊണ്ട് തന്നെ തീർത്തും വ്യക്തിപരമായ ഈ ചോദ്യത്തിന് മറ്റ് മറുപടിയില്ലന്ന് ഉത്തരം നൽകുകയും ചെയ്തു.
അവതാരകയെ മാത്രമല്ല ആരാധകരെ മുഴുവൻ തന്നെ നിരാശയിലാഴ്ത്തുന്ന മറുപടിയാണ് അനുഷ്കയിൽ നിന്നും വീണ്ടുമുണ്ടായിരിക്കുന്നത്. സിനിമയിലെ കഥാപാത്രങ്ങളായ അമരേന്ദ്ര ബാഹുബലിയും ദേവസേനയും ജീവിതത്തിൽ ഒന്നിക്കില്ലെന്ന് അനുഷ്ക തന്നെ തീർത്തുപറഞ്ഞ സ്ഥിതിക്ക് ആകെ വിഷമത്തിലാണവർ.