ജസോള പള്ളി തിരുനാൾ ഒക്ടോബർ 21 മുതൽ നവംബർ ഒന്നു വരെ

ന്യൂ ഡൽഹി : ജസോള ഫാത്തിമ മാതാ ഫൊറോനാപ്പള്ളിയിൽ പരിശുദ്ധ ഫാത്തിമ മാതാവിന്‍റെ തിരുനാൾ ഒക്ടോബർ 23 മുതൽ നവംബർ ഒന്നു വരെ ആഘോഷിക്കുന്നു. എല്ലാ ദിവസവും വൈകിട്ട് 7ന് വിശുദ്ധ കുർബാന ഉണ്ടായിരിക്കും.

നവംബർ ഒന്നിന് (ഞായർ) ആഘോഷമായ തിരുനാൾ പാട്ടുകുർബാന രാവിലെ 7നും 9:30നും വൈകുന്നേരം 4നും 7നും ഉണ്ടായിരിക്കും. തിരുനാളിനോടനുബന്ധിച്ചു ദിവ്യകാരുണ്യ പ്രദിക്ഷണം ഇടവയുടെ എല്ലാ യൂണിറ്റിലേക്കും നടത്തും.

ഒക്ടോബർ 29ന് മാസിഗർ, ജൂലിയാന, HF ഹോസ്പിറ്റൽ, സരായ് ഖാലെ ഖാൻ. 30ന് കിലോകരി, ഹരി നഗർ, ആശ്രം, NRC, ശ്രീനിവാസ് പുരി, 31ന് ജസോള, സരിത വിഹാർ ഏരിയ, ബദർ പുർ യൂണിറ്റിലേക്കുമാണ് ദിവ്യകാരുണ്യ പ്രദക്ഷിണം.

സർക്കാറിന്‍റെ കോവിഡ് പ്രോട്ടോകോൾ മാനദണ്ഡങ്ങൾ പാലിച്ചായിരിക്കും തിരുനാൾ നടത്തുക. പാരിഷ് കൗൺസിലിന്‍റെ നേതൃത്വത്തിലുള്ള തിരുനാൾ കമ്മിറ്റി തിരുനാളിന് നേതൃത്വം നൽകും. തിരുനാൾ തിരുക്കർമങ്ങൾ തൽസമയം ലഭ്യമായിരിക്കും. കോവിഡ് പ്രോട്ടോകോൾ മാനദണ്ഡങ്ങൾ പാലിച്ചുകൊണ്ട് മാതാവിന്‍റെ മാധ്യസ്ഥം അപേക്ഷിക്കുവാനും വിശുദ്ധ ബലിയിൽ പങ്കെടുക്കാനുള്ള അവസരം ഉണ്ടായിരിക്കും.

റിപ്പോർട്ട്: റെജി നെല്ലിക്കുന്നത്ത്