ന്യൂഡൽഹി: കൊറോണ വൈറസിന്റെ പകർച്ച തടയുവാനായി കേന്ദ്ര സർക്കാർ നടപ്പാക്കിയ 21 ദിവസത്തെ സന്പൂർണ ഭാരതം നിശ്ചലമാക്കലിൽ വരുമാന മാർഗമില്ലാതെ വിഷമിക്കുന്ന ദയനീയ സ്ഥിതിയിലുള്ള അശരണരായ മലയാളികൾക്ക് സൗജന്യ ഭക്ഷണക്കിറ്റുകളുമായി ഡി.എം.എ.കേന്ദ്രക്കമ്മിറ്റി രംഗത്തെത്തി. ഡിഎംഎയുടെ വിവിധ ശാഖകളുടെ നിർദ്ദേശാനുസരണമാണ് കിറ്റുകൾ വിതരണം ചെയ്യുക.
കേന്ദ്ര-സംസ്ഥാന സർക്കാരുകളുടെ നിർദ്ദേശങ്ങൾ അക്ഷരംപ്രതി പാലിച്ചുകൊണ്ട് കൂടുതൽ പേരിലേക്ക് കൊറോണ പടരുന്നതിന് തടയിടാൻ ലോകമെന്പാടുമുള്ള മലയാളികൾ ഒറ്റക്കെട്ടായി നിന്ന് പൊരുതണമെന്നും ഇക്കാര്യത്തിൽ സർക്കാരിന് ഡിഎംഎയുടെ പരിപൂർണ പിന്തുണ നൽകുന്നതായും പ്രസിഡൻറ് കെ. രഘുനാഥ്, ജനറൽ സെക്രട്ടറി സി. ചന്ദ്രൻ എന്നിവർ പറഞ്ഞു.
രോഗാതുരരായവരെ ഉൗണും ഉറക്കവുമുപേക്ഷിച്ച് രക്ഷിക്കുവാൻ കഠിന പ്രയത്നം നടത്തിക്കൊണ്ടിരിക്കുന്ന ഡോക്ടർമാരെയും ആരോഗ്യ രംഗത്തെ പ്രവർത്തകരേയും നഴ്സിംഗ് മേഖലയിലെ സഹോദരീ സഹോദര·ാരേയും പാരാമെഡിക്കൽ സംഘത്തെയും പോലീസ് സേനയേയും മാധ്യമ പ്രവർത്തകരേയും ഡിഎംഎ. പ്രശംസിച്ചു.
ഡിഎംഎ. നടത്തുന്ന ജീവകാരുണ്യ പ്രവർത്തനത്തിൽ ഭാഗമാകാനും കൂടുതൽ സഹായങ്ങൾ ചെയ്യാനും ആഗ്രഹിക്കുന്നവർ വിശദ വിവരങ്ങൾക്ക് ഡി.എം.എ. ജനറൽ സെക്രട്ടറിയുമായി 8800398979 എന്ന നന്പരിൽ ബന്ധപ്പെടാവുന്നതാണ്.
റിപ്പോർട്ട്: പി.എൻ. ഷാജി
കോവിഡ് 19 : അശരണർക്ക് ഭക്ഷണക്കിറ്റുകളുമായി ഡിഎംഎ
02:07 AM Mar 30, 2020 | Deepika.com