സുഗന്ധം പടര്ത്തുന്ന വെളുത്ത താമരയാണ് കല്ഹാരം. അത് തന്റെ ചുറ്റുമുള്ള ലോകത്തെ സുഗന്ധ പൂര്ണമാക്കുന്നു. സമൂഹമാധ്യമങ്ങളില് ഏറെ ശ്രദ്ധ നേടുന്ന കല്ഹാര എന്ന ചെറു സിനിമയും പ്രേക്ഷകരിലേക്ക് നന്മയുടെ സുഗന്ധം പടര്ത്തുകയാണ്.
ചലച്ചിത്ര താരം മീനാക്ഷി അനൂപ് കേന്ദ്രകഥാപാത്രമാകുന്ന കല്ഹാര നിശബ്ദമാക്കപ്പെടുന്ന ചില സമകാലിക സംഭവങ്ങളിലേക്കാണ് വിരല് ചൂണ്ടുന്നത്. പഞ്ചമി ജി.കെ. രചനയും നിര്മാണവും നിര്വഹിച്ച ചിത്രം വിഷ്ണു വി. ഗോപാലാണ് സംവിധാനം ചെയ്തിരിക്കുന്നത്.
അനു എന്ന കൗമാരക്കാരിയുടെ ഒരു ദിവസത്തെ സംഭവങ്ങളാണ് കല്ഹാരയില് ദൃശ്യവല്ക്കരിച്ചിരിക്കുന്നത്. അനുവായി മീനാക്ഷി എത്തുന്നു. നമ്മുടെ പെണ്കുട്ടികള് എത്രത്തോളം സുരക്ഷിതരാണെന്ന ചോദ്യം ഉയര്ത്തുമ്പോള് തന്നെ നിശബ്ദരാകേണ്ടവരല്ല പെണ്കുട്ടികള് എന്ന വലിയ സന്ദേശമാണ് ചിത്രം പകരുന്നത്.
സമൂഹ മാധ്യമങ്ങളിലും കല്ഹാര ഇതിനോടകം ചർച്ചയായിട്ടുണ്ട്. ചിത്രത്തിനു ആശംസകളുമായി നിരവധിപേരാണ് രംഗത്ത് വരുന്നത്...
നിശബ്ദരാകേണ്ടവരല്ല പെണ്കുട്ടികള്: ചർച്ചയായി കല്ഹാര
01:45 PM Dec 10, 2021 | Deepika.com