പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്യുന്ന 'കടുവ'യുടെ ടീസർ പുറത്തിറങ്ങി. പൃഥ്വിയുടെ മാസ് ഡയലോഗും സംഘട്ടനരംഗങ്ങളും ഉൾപ്പെടുത്തിയാണ് ഒരുമിനിറ്റോളം ദൈർഘ്യമുള്ള ടീസർ ഒരുക്കിയിരിക്കുന്നത്. അണിയറപ്രവർത്തകർ ഉറപ്പുനല്കിയതുപോലെ പൃഥ്വിയുടെ കിടിലൻ മാസ് ആക്ഷൻ രംഗങ്ങൾ ചിത്രത്തിലുടനീളമുണ്ടെന്ന സൂചനയാണ് ടീസർ നല്കുന്നത്.
ജിനു എബ്രഹാമാണ് ചിത്രത്തിന്റെ രചന നിര്വഹിച്ചിരിക്കുന്നത്. കോവിഡ് രണ്ടാം തരംഗത്തെത്തുടര്ന്ന് ഷൂട്ടിംഗ് നിര്ത്തിവച്ച ചിത്രം അടുത്തിടെയാണ് പൂർത്തിയാക്കിയത്. എട്ടു വര്ഷത്തെ ഇടവേളക്ക് ശേഷം ഷാജി കൈലാസ് സംവിധായകനായി തിരിച്ചെത്തുന്നു എന്ന പ്രത്യേകതയും കടുവയ്ക്കുണ്ട്.
പൃഥ്വിക്കു പുറമേ സായ് കുമാര്, സിദ്ദിഖ്, വിജയരാഘവന്, അജു വര്ഗീസ്, ഹരിശ്രീ അശോകന്, സംയുക്ത മേനോന്, സീമ തുടങ്ങിയവരും മറ്റ് പ്രധാന കഥാപാത്രങ്ങളെ അവതരിപ്പിക്കും.
പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നാണ് ചിത്രം നിര്മ്മിക്കുന്നത്.
കണ്ണിനു പകരം കണ്ണ്, പല്ലിനു പകരം പല്ല്! കടുവയുടെ കൊലമാസ് ടീസർ എത്തി
10:32 AM Dec 01, 2021 | Deepika.com