ആസിഫ് അലി, രജിഷ വിജയന് എന്നിവര് പ്രധാന കഥാപാത്രങ്ങളാക്കി ജിബു ജേക്കബ് സംവിധാനം ചെയ്യുന്ന "എല്ലാം ശരിയാകും' എന്ന ചിത്രത്തിലെ ആദ്യ വീഡിയോ ഗാനം നടൻ മമ്മൂട്ടി തന്റെ ഫേസ് ബുക്ക് പേജിലൂടെ റിലീസ് ചെയ്തു.
"പിന്നെന്തേ എന്തെ മുല്ലേ...."എന്നുതുടങ്ങുന്ന ഗാനം ആലപിച്ചിരിക്കുന്നത് കെ.എസ്. ഹരിശങ്കർ ആണ്. ബി.കെ. ഹരിനാരായണന്റെ വരികൾക്ക് ഔസേപ്പച്ചൻ ഈണംപകരുന്നു. ഔസേപ്പച്ചന് സംഗീതം പകരുന്ന ഇരുനൂറാമത്തെ ചിത്രമെന്ന പ്രത്യേകതയും ഈ സിനിമയ്ക്കുണ്ട്.
സിദ്ദിഖ്, കലാഭവന് ഷാജോണ്, സുധീര് കരമന, ജോണി ആന്റണി, ജെയിംസ് ഏല്യ, ജോര്ഡി പൂഞ്ഞാര്, സേതുലക്ഷ്മി, മഹാനദി ഫെയിം തുളസി തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ തിരക്കഥ, സംഭാഷണം എഴുതുന്നത് പാരിസ് മുഹമ്മദാണ്. തോമസ് തിരുവല്ല ഫിലിംസ്, ഡോക്ടര് പോള്സ് എന്റര്ടെയിന്മെന്റ് എന്നിവയുടെ ബാനറില് തോമസ് തിരുവല്ല, ഡോക്ടര് പോള് വര്ഗീസ് എന്നിവര് ചേര്ന്നാണ് ചിത്രം നിര്മ്മിക്കുന്നത്. നവംബര് 19ന് സെന്ട്രല് പിക്ചേഴ്സ് റിലീസ് "എല്ലാം ശരിയാകും" തിയറ്ററിലെത്തിക്കുന്നു.
ഇരുന്നൂറാം ചിത്രവുമായി ഔസേപ്പച്ചൻ; "എല്ലാം ശരിയാകും' ആദ്യഗാനം പുറത്ത്
12:54 PM Oct 25, 2021 | Deepika.com