ടൊവിനോ തോമസ് നായകനായ ചിത്രം ‘കാണെക്കാണെ’യുടെ ടീസർ പുറത്തിറങ്ങി. ടൊവിനോയും സംവിധായകൻ മനു അശോകനും ഉയരെ എന്ന ചിത്രത്തിന് ശേഷം ഒന്നിക്കുന്ന സിനിമയാണിത്. മായാനദിയ്ക്ക് ശേഷം ടൊവിനോയും ഐശ്വര്യ ലക്ഷ്മിയും വീണ്ടുമൊന്നിക്കുന്ന ചിത്രം കൂടിയാണിത്.
സുരാജ് വെഞ്ഞാറമൂട്, ശ്രുതി രാമചന്ദ്രൻ എന്നിവരെ കൂടാതെ പ്രേം പ്രകാശ്, റോണി ഡേവിഡ് രാജ്, മാസ്റ്റര് ആലോക് കൃഷ്ണ തുടങ്ങിയവരും ചിത്രത്തിൽ അഭിനയിക്കുന്നുണ്ട്. ഡ്രീംക്യാച്ചര് പ്രൊഡക്ഷന്സിന്റെ ബാനറില് ടി ആര് ഷംസുദ്ധീന് നിര്മിക്കുന്ന ചിത്രമാണ് ‘കാണെക്കാണെ’.
ആല്ബി ഛായാഗ്രഹണം നിര്വഹിക്കുന്ന കാണെക്കാണെയുടെ എഡിറ്റര് അഭിലാഷ് ബാലചന്ദ്രനാണ്. വിനായക് ശശികുമാറിന്റെ വരികള്ക്ക് രഞ്ജിന് രാജ് ആണ് സംഗീതം നല്കുന്നത്. ചിത്രം സോണി ലിവ് എന്ന ഒടിടി പ്ലാറ്റ് ഫോമിലൂടെ സെപ്റ്റംബർ 17നു റിലീസ് ചെയ്യും.
മിന്നൽ മുരളിക്ക് മുന്പ് "കാണെക്കാണെ’; ടീസർ പുറത്തിറങ്ങി
06:51 AM Sep 11, 2021 | Deepika.com