ന്യൂകാസിൽ: ന്യൂകാസിൽ സെന്റ് തോമസ് കാത്തലിക് പള്ളിയുടെ ആഭിമുഖ്യത്തിൽ ഈ വർഷത്തെ നോന്പുകാല വാർഷിക ധ്യാനം മാർച്ച് 23, 24, 25 തീയതികളിൽ നടക്കും. കപ്പൂച്ചിൻ സഭാംഗമായ ഫാ. ജിൻസണ് മുട്ടത്തികുന്നേലാണ് ധ്യാനം നയിക്കുക.
മാർച്ച് 23 വെള്ളിയാഴ്ച വൈകുന്നേരം 5 മുതൽ 9.30 വരെയും, 24 ശനിയാഴ്ച രാവിലെ 10 മുതൽ 5 വരെയും, 25 ഞായറാഴ്ച രാവിലെ 11 മുതൽ വൈകിട്ട് 6 വരെയുമായിരിക്കും ധ്യാനം നടക്കുക. ഞായറാഴ്ച ഓശാന ഞായറിന്റെ തിരുകർമ്മങ്ങളും ഉണ്ടായിരിക്കും. കുട്ടികൾക്കും ഈ സമയങ്ങളിൽ തന്നെ പ്രത്യേക ധ്യാനം നടക്കുന്നതാണ്.
ശനിയാഴ്ച 10 മുതൽ മുതിർന്നവർക്കും കുട്ടികൾക്കും കുന്പസാരത്തിനുള്ള അവസരവും ഉണ്ടായിരിക്കുന്നതാണ്. നോന്പിന്റെ വിശുദ്ധിയിൽ ഈശോയുടെ പീഡാസഹനത്തിന്റെ ഓർമ്മ പുതുക്കുന്ന ഈ സമയത്ത് ധ്യാനത്തിൽ പങ്കെടുത്തു ഉയർപ്പിനായി ഒരുങ്ങാനായി എല്ലാവരെയും സ്വാഗതം ചെയ്യുന്നതായി ചാപ്ലിൻ ഫാ. സജി തോട്ടത്തിൽ അറിയിച്ചു.
റിപ്പോർട്ട്: ഷൈമോൻ തോട്ടുങ്കൽ
ന്യൂകാസിലിലെ നോന്പുകാല ധ്യാനം ഫാ. ജിൻസണ് മുട്ടത്തികുന്നേൽ നയിക്കും
11:07 PM Mar 15, 2018 | Deepika.com