ഡൽഹി ഓർത്തഡോക്സ് യൂത്ത് ഫെസ്റ്റ്: മയൂർവിഹാർ ഫേസ് വണ്‍ ഇടവക ഒന്നാമത്

ന്യൂഡൽഹി: ഓർത്തഡോക്സ് യൂത്ത് ഫെസ്റ്റിന്‍റെ ഭാഗമായി ഫെബ്രുവരി 18ന് ഫരീദാബാദ് സെന്‍റ് മേരീസ് ഓർത്തഡോക്സ് പള്ളിയിൽ സംഗീത വിഭാഗമായ സ്കൂൾ ഓഫ് സേക്രഡ് മ്യൂസിക്കിന്‍റെ നേതൃത്വത്തിൽ നടന്ന ഗായകസംഘ മത്സരത്തിൽ മയൂർ വിഹാർ ഫേസ് വണ്‍ ഇടവക ഒന്നാം സ്ഥാനം നേടി. ഹോസ്ഖാസ് സെന്‍റ് മേരീസ് കത്തീഡ്രൽ രണ്ടാം സ്ഥാനവും സരിത വിഹാർ സെന്‍റ് തോമസ് മൂന്നാം സ്ഥാനവും കരസ്ഥമാക്കി.

മത്സരങ്ങളിൽ രോഹിണി, ഗായിയബാദ്, നോയിഡ, സരിത വിഹാർ, മയൂർ വിഹാർ ഫേസ് വണ്‍, മയൂർ വിഹാർ ഫേസ് ത്രീ, ഗുഡ്ഗാവ്, ഹോസ്ഖാസ്, ജനക് പുരി, ദിൽഷാദ് ഗാർഡൻ, ഫരീദാബാദ്, ജയ്പുർ, തുഗ്ലക്കാബാദ് ഇടവകകളിൽനിന്നുള്ള യൂണിറ്റുകൾ പങ്കെടുത്തു. ഫരീദാബാദ് സെന്‍റ് മേരീസ് വികാരി ഫാ. ഏബ്രഹാം ജോണ്‍ ഒസിവൈഎം, ഡൽഹി ഭദ്രാസന വൈസ് പ്രസിഡന്‍റ് ഫാ. ടി.ജെ. ജോണ്‍സണ്‍ എന്നിവർ മത്സരങ്ങൾക്ക് നേതൃത്വം നൽകി.

റിപ്പോർട്ട്: ജോജി വഴുവാടി