സിറിയൻ പ്രതിസന്ധി പരിഹരിക്കാൻ തുർക്കിയിൽ യോഗം

അങ്കാറ: സിറിയയിൽ തുടരുന്ന ആഭ്യന്തര സംഘർഷം പരിഹരിക്കാൻ തുർക്കിയും ഇറാനും റഷ്യയും തുർക്കിയിൽ ചർച്ച നടത്തുന്നു. മൂന്നു രാജ്യങ്ങളിലെയും വിദേശകാര്യ മന്ത്രിമാരാണ് ചർച്ചയിൽ പങ്കെടുക്കുന്നത്.

ബുധനാഴ്ച ഇതേ വിഷയത്തിൽ റഷ്യയിലും ത്രിരാഷ്ട്ര ഉച്ചകോടി നടക്കും. റഷ്യൻ പ്രസിഡന്‍റ് വ്ളാദിമിർ പുടിന്‍റെ സാന്നിധ്യത്തിലാകും ചർച്ച.

നേരത്തെ, സിറിയയിലെ രാസായുധ പ്രയോഗത്തെക്കുറിച്ചുള്ള അന്വേഷണ റിപ്പോർട്ടിന്‍റെ കാലാവധി നീട്ടണമെന്ന യുഎസ് പ്രമേയം ഐക്യരാഷ്ട്ര സഭയിൽ റഷ്യ വീറ്റോ ചെയ്തിരുന്നു. സിറിയൻ വിഷയത്തിൽ യുഎസും റഷ്യയും തുടരുന്ന വിരുദ്ധ നിലപാടുകളുടെ തുടർച്ചയായാണ് പുതിയ ചർച്ചകൾ വിലയിരുത്തപ്പെടുന്നത്.

റിപ്പോർട്ട്: ജോസ് കുന്പിളുവേലിൽ