ഈസ്റ്റ്ഹാമിൽ പരിശുദ്ധ ജപമാല രാജ്ഞിയുടെ തിരുനാൾ 27, 28 തീയതികളിൽ

ലണ്ടൻ: ഗ്രേറ്റ് ബ്രിട്ടണ്‍ സീറോ മലബാർ രൂപതയിലെ ബ്രെൻഡ്വുഡ് ചാപ്ലൈൻസിയുടെ കീഴിലുള്ള പ്രമുഖ കുർബാന കേന്ദ്രമായ ഈസ്റ്റ് ഹാമിൽ ജപമാല രാജ്ഞിയുടെ തിരുനാൾ ആഘോഷിക്കുന്നു. ഈസ്റ്റ് ഹാമിലെ സെന്‍റ് മൈക്കിൾ ദേവാലയത്തിലാണ് തിരുക്കർമങ്ങൾ.

27ന് (വെള്ളി) വൈകുന്നേരം ഏഴിന് ബ്രെൻഡ്വുഡ് ചാപ്ലയിൻ ഫാ.ജോസ് അന്ത്യാംകുളം തിരുനാളിന് തുടക്കം കുറിച്ച് കൊടിയേറ്റ് കർമം നിർവഹിക്കും. തുടർന്ന് ജപമാല സമർപ്പണം, വിശുദ്ധ കുർബാന, നൊവേന എന്നിവ നടക്കും.

പ്രധാന തിരുനാൾ ദിനമായ 28 നു (ശനി) ഉച്ചകഴിഞ്ഞ് 1.30 നു ജപമാല സമർപ്പണത്തോടെ തിരുനാൾ ശുശ്രുഷകൾ ആരംഭിക്കും. തുടർന്ന് പ്രസുദേന്തി വാഴ്ച നടക്കും. ആഘോഷമായ തിരുനാൾ കുർബാനക്ക് വെസ്റ്റ്മിൻസ്റ്റർ ചാപ്ലൈനും ലണ്ടൻ റീജണൽ കോഓർഡിനേറ്ററുമായ ഫാ. സെബാസ്റ്റ്യൻ ചാമക്കാലയിൽ മുഖ്യ കാർമികത്വം വഹിക്കും. തുടർന്നു ലദീഞ്ഞ്, പ്രദക്ഷിണം, സമാപനാശീർവാദം, നേർച്ച വിതരണം എന്നിവയോടുകൂടി തിരിനാളിനു കൊടിയിറങ്ങും. ആഘോഷങ്ങളുടെ ഭാഗമായി അപ്ടണ്‍ പാർക്കിലെ ബോളിൻ ബാങ്കെറ്റിംഗ് ഹാളിൽ വിവിധ കലാപരിപാടികളും സ്നേഹ വിരുന്നും ഉണ്ടായിരിക്കും.

വിവരങ്ങൾക്ക്: ജീസണ്‍ കടവി: 07727253424, എമിലി സാമുവൽ 07535664299.

വിലാസം: St .Michaels Church 21 Tilbury Rd, London E6 6ED.