ഹൂസ്റ്റണ്: ഫ്രണ്ട്സ് ഓഫ് തിരുവല്ലായുടെ ആഭിമുഖ്യത്തിൽ നടന്ന ഈ വർഷത്തെ ഓണസംഗമം വൈവിധ്യമാർന്ന പരിപാടികൾ കൊണ്ട് ശ്രദ്ധേയമായി. സെപ്റ്റംബർ 16 ന് ശനിയാഴ്ച പാം ഇന്ത്യാ റെസ്റ്റോറന്റിൽ നടന്ന ഓണകൂട്ടായ്മ ഹാർവി ദുരന്തത്തിന്റെ പശ്ചാത്തലത്തിൽ ലളിതമായി ആഘോഷിച്ചു കൊണ്ട് വ്യത്യസ്ത പുലർത്തി. ഗൃഹാതുരത്വ സ്മരണകൾ ഉണർത്തി കേരളത്തനിമയുള്ള ഓണവിഭവങ്ങൾ അടങ്ങിയ വിഭവസമൃദ്ധമായ ഓണസദ്യ ഏറെ ഹൃദ്യവും ഏതൊരു മലയാളിയുടെയും രുചിയോർമ്മകളെ ഉണർത്തുന്നതുമായിരുന്നു.
കേരളീയ ശൈലിയിൽ ഓണക്കോടികൾ ധരിച്ചുകൊണ്ട് തിരുവല്ലാക്കാർ ഈ ഓണസംഗമത്തിൽ അണിനിരന്നപ്പോൾ സംഗമത്തിന് ഒരു പ്രത്യേകതയുണ്ടായിരുന്നു. തങ്ങളുടെ സാന്നിധ്യവും സന്ദേശങ്ങളും കൊണ്ട് ഹൂസ്റ്റണിലെ മൂന്നുവൈദികർ ഈ ഓണകൂട്ടായ്മയെ ധന്യമാക്കി. ഇമ്മാനുവേൽ മാർത്തോമ്മാ ഇടവക അസോസിയേറ്റ് വികാരി റവ. ഏബ്രഹാം വർഗീസ് മുഖ്യ ഓണസന്ദേശം നൽകി.
||
മറ്റുള്ളവരെ ആദരിക്കുന്നതിനും ന· ചെയ്യുന്നതിനും നമുക്ക് കഴിയണമെന്ന് അച്ചൻ ഓണസന്ദേശത്തിൽ ഉദ്ബോധിപ്പിച്ചു. റവ. ഏബ്രഹാം തോട്ടത്തിൽ തന്റെ ഹൃദ്യമായ സന്ദേശത്തോടൊപ്പം തിരുവല്ലയെ വർണ്ണിച്ചുകൊണ്ട് എഴുതിയവതരിപ്പിച്ച കവിത വേറിട്ട ഓർമ്മകൾ ഉണർത്തി. കേരളീയരായ രണ്ടും മൂന്നും തലമുറക്കാരോടൊപ്പം ഓണമാഘോഷിക്കാൻ കഴിഞ്ഞത് ഭാഗ്യമായി കരുതുന്നുവെന്ന് റവ. മാമ്മൻ വർക്കി സൂചിപ്പിച്ചു.
തിരുവല്ലാക്കാരനും പ്രശസ്ത മലയാള സിനിമാ സംവിധായകനുമായ ബ്ലെസി സ്കൈപ്പിൽ കൂടി ഓണാശംസ നേർന്നത് പുത്തൻ അനുഭവമായിരുന്നു. ബിജു ജോർജ്, ഡോ. അന്നാ ഫിലിപ്പ് എന്നിവർ ശ്രുതിമധുരമായ ഗാനങ്ങളാലപിച്ചു. പ്രസിഡന്റ് റോബിൻ ഫിലിപ്പ് സ്വാഗതവും സെക്രട്ടറി ഉമ്മൻ തോമസ് നന്ദിയും അറിയിച്ചു.
റിപ്പോർട്ട്: ജീമോൻ റാന്നി
കേരളീയ ശൈലിയിൽ ഓണക്കോടികൾ ധരിച്ചുകൊണ്ട് തിരുവല്ലാക്കാർ ഈ ഓണസംഗമത്തിൽ അണിനിരന്നപ്പോൾ സംഗമത്തിന് ഒരു പ്രത്യേകതയുണ്ടായിരുന്നു. തങ്ങളുടെ സാന്നിധ്യവും സന്ദേശങ്ങളും കൊണ്ട് ഹൂസ്റ്റണിലെ മൂന്നുവൈദികർ ഈ ഓണകൂട്ടായ്മയെ ധന്യമാക്കി. ഇമ്മാനുവേൽ മാർത്തോമ്മാ ഇടവക അസോസിയേറ്റ് വികാരി റവ. ഏബ്രഹാം വർഗീസ് മുഖ്യ ഓണസന്ദേശം നൽകി.
||
മറ്റുള്ളവരെ ആദരിക്കുന്നതിനും ന· ചെയ്യുന്നതിനും നമുക്ക് കഴിയണമെന്ന് അച്ചൻ ഓണസന്ദേശത്തിൽ ഉദ്ബോധിപ്പിച്ചു. റവ. ഏബ്രഹാം തോട്ടത്തിൽ തന്റെ ഹൃദ്യമായ സന്ദേശത്തോടൊപ്പം തിരുവല്ലയെ വർണ്ണിച്ചുകൊണ്ട് എഴുതിയവതരിപ്പിച്ച കവിത വേറിട്ട ഓർമ്മകൾ ഉണർത്തി. കേരളീയരായ രണ്ടും മൂന്നും തലമുറക്കാരോടൊപ്പം ഓണമാഘോഷിക്കാൻ കഴിഞ്ഞത് ഭാഗ്യമായി കരുതുന്നുവെന്ന് റവ. മാമ്മൻ വർക്കി സൂചിപ്പിച്ചു.
തിരുവല്ലാക്കാരനും പ്രശസ്ത മലയാള സിനിമാ സംവിധായകനുമായ ബ്ലെസി സ്കൈപ്പിൽ കൂടി ഓണാശംസ നേർന്നത് പുത്തൻ അനുഭവമായിരുന്നു. ബിജു ജോർജ്, ഡോ. അന്നാ ഫിലിപ്പ് എന്നിവർ ശ്രുതിമധുരമായ ഗാനങ്ങളാലപിച്ചു. പ്രസിഡന്റ് റോബിൻ ഫിലിപ്പ് സ്വാഗതവും സെക്രട്ടറി ഉമ്മൻ തോമസ് നന്ദിയും അറിയിച്ചു.
റിപ്പോർട്ട്: ജീമോൻ റാന്നി