സ്വതന്ത്ര്യദിനാഘോഷങ്ങളുടെ ഭാഗമായി ജിഎസ്ടിയും രാഷ്ട്ര പുരോഗതിയും എന്ന വിഷയത്തിൽ സദസ് സംഘടിപ്പിച്ചു

കുവൈറ്റ് സിറ്റി: ഭാരതത്തിന്‍റെ 70ാം സ്വാതന്ത്ര്യദിനം ഭാരതീയ പ്രവാസി പരിഷത് കുവൈറ്റ് (ബിപിപി) ആഘോഷിച്ചു. അബ്ബാസിയയിൽ വൈകുന്നേരം ആരംഭിച്ച ആഘോഷങ്ങൾക്ക് ഓമന വിനയൻ ഭദ്രദീപം കൊളുത്തി.

ബാലദർശൻ കുട്ടികൾ വന്ദേമാതരം ആലപിച്ച ചടങ്ങിൽ ബിനോയ് സെബാസ്റ്റ്യന്‍റെ അദ്ധ്യക്ഷതയിൽ ബിപിപി ഓർഗനൈസിഗ് സെക്രട്ടറി വി വിജയരാഘവൻ ജിഎസ്ടിയും രാഷ്ട്ര പുരോഗതിയും എന്ന വിഷയത്തിൽ മുഖ്യ പ്രഭാഷണം നടത്തി. തുടർന്ന് ജിഎസ്ടി വിഷയത്തിൽ സദസിൽ ചോദ്യങ്ങൾക്ക് വിജയകുമാർ മറുപടി പറഞ്ഞു. ചടങ്ങിൽ അജയകുമാർ സന്നിഹിതനായിരുന്നു. ജനറൽ സെക്രട്ടറി നാരായണൻ ഒതയോത് സ്വാഗതവും അജികുമാർ ആലപുരം കൃതജ്ഞതയും രേഖപ്പെടുത്തി.

റിപ്പോർട്ട്: സലിം കോട്ടയിൽ