ഫ്രാങ്ക്ഫർട്ട്: ഫ്രാങ്ക്ഫർട്ട് കേരള സമാജം ആരംഭിച്ച സീനിയേഴ്സ് ഫോറത്തിന്റെ ആഭിമുഖ്യത്തിൽ ആദ്യമായി സംഘടിപ്പിച്ച വിനോദയാത്ര മേയ് 17 ന് വീസ്ബാഡനിൽ നടത്തി. ഫ്രാങ്ക്ഫർട്ടിൽ നിന്നും ട്രെയിനിൽ വീസ്ബാഡനിലെത്തിയ 33 പേരടങ്ങിയ സംഘത്തെ ഗൈഡ് സ്വീകരിച്ചു. തുടർന്ന് രണ്ടു മണിക്കൂറോളം നീണ്ടുനിന്ന പട്ടണ സന്ദർശനത്തനിടയിൽ വീസ്ബാഡന്റെ ചരിത്രവും പ്രത്യേക സംസ്ക്കാരവും ഗൈഡ് വിവരിച്ചു നൽകി.
ഉച്ചവിശ്രമത്തിനുശേഷം ഹെസ്സൻ സംസ്ഥാന നിയമസഭാ മന്ദിരം സന്ദർശിച്ച സംഘം ഹെസ്സൻ നിയമസഭാംഗം ടൂർഗുർട്ട് യുക്ക്സെലുമായി നടത്തിയ ചർച്ച വളരെ വിജ്ഞാനപ്രദമായിരുന്നു.
ഫോറത്തിന്റെ ആദ്യസംരംഭമെന്ന നിലയിൽ നടത്തിയ വിനോദയാത്രയുടെ വിജയത്തിനായി മുഖ്യമായി പ്രവർത്തിച്ചത് ഡോ. മങ്ക പെ ന്നേപറന്പിൽ, കോശി മാതണ്ട, സിറിയക് മുണ്ടയ്ക്കത്തറപ്പേൽ എന്നിവരായിരുന്നു.
റിപ്പോർട്ട്: ജോസ് കുന്പിളുവേലിൽ
കേരളസമാജം ഫ്രാങ്ക്ഫർട്ട് സീനിയേഴ്സ് ഫോറം ഹെസ്സൻ നിയമസഭ സന്ദർശിച്ചു
08:27 PM May 24, 2017 | Deepika.com