പാരീസ് : ഫ്രാന്സിലെ കാനില് നടക്കുന്ന കാന് ചലച്ചിത്രോത്സവത്തില് ഐശ്വര്യ റായ് ബച്ചന് വിശൈ്വശ്വര്യമായി തിളങ്ങുന്നു. സൗന്ദര്യ വര്ദ്ധക സാധനങ്ങളുടെ നിര്മ്മാണ ഭീമനായ ലോറിയല് പാരിസിന്റെ പ്രതിനിധി എന്ന നിലയില് കാനിലെ മേളയിലെത്തിയ ഐശ്വര്യ ലോക രാജകുമാരിയായി വീണ്ടും മുദ്രകുത്തുകയാണ്. ഐശ്വര്യയുടെ സൗന്ദര്യത്തെയും കുപ്പായത്തെയും പുകഴ്ത്തിയുള്ള മര്മ്മരങ്ങളാണ് കാനില് പ്രതിധ്വനിയ്ക്കുന്നത്.
മേളയുടെ മൂന്നാംദിവസം സ്വരോവ്സ്കി ക്രിസ്റ്റലുകള് പതിപ്പിച്ച പൗഡര് ബ്ലൂ നിറത്തിലുള്ള മുഴുനീളന് ഗൗണില് പൊതിഞ്ഞെത്തിയ ഐശ്വര്യ റായി ബെച്ചന് ഏവരുടെയും മനം കവര്ന്നു. എന്നാല് നാലാം ദിവസമാവട്ടെ ചുവന്ന ഗൗണിന്റെ ഭംഗിയില് ഐശ്വര്യ വീണ്ടും കാന് നക്ഷത്രമായി.
പോയ വര്ഷം ചുണ്ടില്ത്തേച്ച ചായത്തിന്റെ നിറത്തിന്റെ പേരില് ഐശ്വര്യ വിമര്ശനത്തിനൊപ്പം കളിയാക്കലുകളും ഏറ്റുവാങ്ങിയിരുന്നു.നന്ദിതാദാസ്, സോനം കപൂര്, മല്ലികാ ഷെരാവത്ത്, ശ്രുതി ഹാസന്, ദീപികാ പദുകോണ് തുടങ്ങിയ താരങ്ങളും ഇന്ത്യന് സിനിമാലോകത്തിന്റെ പ്രതിനിധികളായി കാനില് എത്തിയിട്ടുണ്ട്. ഒസ്കാര് വിന്നര് എ.ആര് റഹ്മാനും ഇത്തവണ കാനില് എത്തിയിട്ടുണ്ട്. ഈ മാസം 17 ന് ആരംഭിച്ച എഴുപതാമത് കാന് ചലച്ചിത്രമേള 28 ന് അവസാനിക്കും.
റിപ്പോര്ട്ട്: ജോസ് കുമ്പിളുവേലില്
കാനില് ഐശ്വര്യമായി 'ഐശ്വര്യ റായി'
09:23 PM May 22, 2017 | Deepika.com