ലണ്ടൻ: നോന്പുകാല ചൈതന്യം ഉൾക്കൊണ്ട് യേശു ക്രിസ്തുവിന്‍റെ പീഡാ സഹനങ്ങളോട് ഒന്നുചേരുവാൻ ലണ്ടൻ സെന്‍റ് ജോസഫ് മലങ്കര കത്തോലിക്കാ ദേവാലയത്തിൽ പ്രത്യേക ധ്യാന ശുശ്രൂഷ ക്രമീകരിക്കുന്നു.
ഡഗനാമിലുള്ള സെന്‍റ് ആൻസ് ദേവാലയത്തിൽ മാർച്ച് 29ന് (ബുധൻ) വൈകുന്നേരം നാലു മുതൽ രാത്രി 10 വരെയാണ് ശുശ്രൂഷകൾ. ബ്രദർ റെജി കൊട്ടാരത്തിന്േ‍റയും കെയ്റോസ് മിനിസ്ട്രി ടീം അംഗങ്ങളുടെയും നേതൃത്വത്തിലാണ് ശുശ്രൂഷകൾ.
വിശുദ്ധ കുർബാന, വചന പ്രഘോഷണം, സൗഖ്യ ശുശ്രൂഷ, ദിവ്യകാരുണ്യ ആരാധന എന്നിവ ശുശ്രൂഷകളുടെ ഭാഗമായിരിക്കും. ധ്യാനത്തിൽ പങ്കു ചേർന്ന് അനുഗ്രഹം പ്രാപിക്കുവാൻ സീറോ മലങ്കര യുകെ കോഓർഡിനേറ്റർ ഫാ തോമസ് മടുക്കംമൂട്ടിൽ എല്ലാ വിശ്വാസികളേയും സ്വാഗതം ചെയ്തു.
ദേവാലയത്തിന്‍റെ വിലാസം: MAR IVANlOUS CENTER, ST. ANNES CHURCH, WOODWARD ROAD, DAGENHAM, RM9 4SU.
റിപ്പോർട്ട്: അലക്സ് വർഗീസ്
ലണ്ടൻ സെന്‍റ് ജോസഫ് മലങ്കര കത്തോലിക്കാ ദേവാലയത്തിൽ നോന്പുകാല ധ്യാനം 29 ന്
06:10 PM Mar 27, 2017 | Deepika.com