ഡെറി: നോർത്തേണ് അയർലൻഡിലെ ഡെറി സെന്റ് മേരീസ് ഇടവകയിൽ കർത്താവിന്റെ ദേവാലയ സമർപ്പണത്തിന്റെയും പരിശുദ്ധ കന്യാമറിയത്തിന്റെ ശുദ്ധീകരണത്തിന്റെയും സംയുക്ത ദർശന തിരുനാൾ ആഘോഷിക്കുന്നു. ഫെബ്രുവരി 18ന് (ശനി) രാവിലെ 10.40ന് കൊടിയേറ്റോടെ തിരുനാൾ കർമങ്ങൾക്ക് തുടക്കം കുറിക്കും. തുടർന്നു നടക്കുന്ന ആഘോഷമായ തിരുനാൾ കുർബാനക്ക് ദർശന സമൂഹത്തിന്റെ പരന്പരാഗതമായ കാപ്പയും മോറിസും ധരിച്ചായിരിക്കും ദർശന സമൂഹം തിരുനാളിൽ പങ്കെടുക്കുക.
ഇതാദ്യമായണ് യുകെയിലും അയർലൻഡിലുമായി പരന്പരാഗത രീതിയിൽ ദർശന തിരുനാൾ ആഘോഷിക്കുന്നത്. തിരുനാളിനോടനുബന്ധിച്ചു അടിമ വയ്ക്കുന്നതിനുള്ള സൗകര്യം ഉണ്ടായിരിക്കും.
പരിശുദ്ധ അമ്മയുടെ മാധ്യസ്ഥം യാചിച്ചുകൊണ്ടു മാതാവിലൂടെ ഈശോയിലേക്കു എത്തിച്ചേരുവാനും സഭയോടൊന്നു ചേർന്നുനിന്നുകൊണ്ട് ആഘോഷങ്ങളിൽ പങ്കുചേരുവാൻ ഏവരെയും സ്വാഗതം ചെയ്യുന്നതായി ഡെറി സീറോ മലബാർ ചാപ്ലിൻ ഫാ. ജോസഫ് കറുകയിൽ അറിയിച്ചു.
റിപ്പോർട്ട്: ഷൈമോൻ തോട്ടുങ്കൽ
ഡെറി സെന്റ് മേരീസ് ഇടവകയിൽ ദർശന തിരുനാൾ 18ന്
05:25 PM Feb 17, 2017 | Deepika.com