![സ്കോളര്ഷിപ്പിന് അപേക്ഷിക്കാം](https://mcmscache.epapr.in/post_images/website_261/new_post_images/5cad9c7b2cf62_no-image-2.png)
പത്തനംതിട്ട: കേരള മോട്ടോര് തൊഴിലാളി ക്ഷേമപദ്ധതിയില് കഴിഞ്ഞ മാര്ച്ച് മാസം വരെ അംഗത്വം എടുത്തിട്ടുള്ള തൊഴിലാളികളുടെ മക്കള്ക്ക് 2018-19 വര്ഷത്തെ സ്കോളര്ഷിപ്പിന് അപേക്ഷ ക്ഷണിച്ചു. വാര്ഷിക പരീക്ഷയ്ക്ക് 50 ശതമാനം മാര്ക്ക് നേടിയിരിക്കണം. എട്ടാം ക്ലാസ് മുതല് പ്രഫഷണല് കോഴ്സുകള് വരെ പഠിക്കുന്ന കുട്ടികള്ക്ക് അപേക്ഷിക്കാം. പ്രഫഷണല് കോഴ്സിന് പഠിക്കുന്ന കുട്ടികള് സര്ക്കാര് നിശ്ചയിച്ച യോഗ്യതാ പരീക്ഷയുടെ അടിസ്ഥാനത്തില് മെറിറ്റ് ക്വാട്ടയില് പ്രവേശനം നേടിയവരായിരിക്കണം. അപേക്ഷാ ഫോറം ജില്ലാ എക്സിക്യൂട്ടീവ് ഓഫീസറുടെ കാര്യാലയത്തിലും kmtwwfb.org എന്ന വെബ്സൈറ്റിലും ലഭിക്കും. ഡിസംബര് 10 വരെ ജില്ലാ എക്സിക്യൂട്ടീവ് ഓഫീസറുടെ കാര്യാലയത്തില് അപേക്ഷ സ്വീകരിക്കും. ഫോണ്: 0468 2320158.