മാന്നാനം: കുര്യാക്കോസ് ഏലിയാസ് ട്രോഫിക്കുവേണ്ടിയുള്ള 20-ാമത് വോളിബോൾ, 16-ാമത് ബാസ്കറ്റ്ബോൾ ടൂർണമെന്റുകൾക്ക് സമാപനം. ഇന്നലെ നടന്ന വോളിബോൾ ഫൈനലിൽ ആണ്കുട്ടികളുടെ വിഭാഗത്തിൽ കോട്ടയം ഗിരിദീപം സ്കൂൾ 25-19, 25-20, 25-21 എന്ന സ്കോറിന് സിജെഎംഎച്ച്എസ്എസ് വരന്തരപ്പിള്ളിയെയും, പെണ്കുട്ടികളുടെ വിഭാഗത്തിൽ സെന്റ് മേരീസ് എച്ച്എസ്എസ് ബത്തേരി 25-19, 25-15, 25-18 എന്ന സ്കോറിനു കോഴിക്കോട് നാഷണൽ എച്ച്എസ്എസിനെയും പരാജയപ്പെടുത്തി 20-ാമത് കെഇ ട്രോഫി വോളിബോൾ കിരീടം കരസ്ഥമാക്കി. ആണ്കുട്ടികളുടെ ബാസ്കറ്റ്ബോൾ മത്സരങ്ങളിൽ മാന്നാനം സെന്റ് എഫ്രേംസ് എച്ച്എസ് 88-62 എന്ന സ്കോറിന് ഇടുക്കി ഷാന്താൾജ്യോതി പബ്ലിക് സ്കൂളിനെ പരാജയപ്പെടുത്തി തുടർച്ചയായി രണ്ടാം വർഷവും ടൂർണമെന്റിൽ വിജയികളായി.
അതിരന്പുഴ പഞ്ചായത്ത് പ്രസിഡന്റ് മേരിക്കുട്ടി സെബാസ്റ്റ്യന്റെ അധ്യക്ഷത വഹിച്ച സമാപനസമ്മേളനത്തിൽ സിനിമാതാരം വീണാ നായരും മാന്നാനം കെഇ കോളജ് പ്രിൻസിപ്പൽ ഡോ. ആന്റണി തോമസും വിജയികൾക്കു ട്രോഫികളും കാഷ് അവാർഡും വിതരണം ചെയ്തു. കോട്ടയം ജില്ലാ പഞ്ചായത്ത് മെന്പർ മഹേഷ് ചന്ദ്രൻ, കെഇ സ്കൂൾ പ്രിൻസിപ്പൽ ഫാ. ജയിംസ് മുല്ലശേരി സിഎംഐ, പിടിഎ വൈസ്പ്രസിഡന്റ് സന്ധ്യ ജി. കുറുപ്പ്, വൈസ് പ്രിൻസിപ്പൽ്മാരായ ഫാ. സേവ്യർ അന്പാട്ട് സിഎംഐ, ഷാജി ജോർജ്, സ്റ്റാഫ് പ്രതിനിധി പി.ജെ. കുര്യൻ എന്നിവർ പ്രസംഗിച്ചു.
അതിരന്പുഴ പഞ്ചായത്ത് പ്രസിഡന്റ് മേരിക്കുട്ടി സെബാസ്റ്റ്യന്റെ അധ്യക്ഷത വഹിച്ച സമാപനസമ്മേളനത്തിൽ സിനിമാതാരം വീണാ നായരും മാന്നാനം കെഇ കോളജ് പ്രിൻസിപ്പൽ ഡോ. ആന്റണി തോമസും വിജയികൾക്കു ട്രോഫികളും കാഷ് അവാർഡും വിതരണം ചെയ്തു. കോട്ടയം ജില്ലാ പഞ്ചായത്ത് മെന്പർ മഹേഷ് ചന്ദ്രൻ, കെഇ സ്കൂൾ പ്രിൻസിപ്പൽ ഫാ. ജയിംസ് മുല്ലശേരി സിഎംഐ, പിടിഎ വൈസ്പ്രസിഡന്റ് സന്ധ്യ ജി. കുറുപ്പ്, വൈസ് പ്രിൻസിപ്പൽ്മാരായ ഫാ. സേവ്യർ അന്പാട്ട് സിഎംഐ, ഷാജി ജോർജ്, സ്റ്റാഫ് പ്രതിനിധി പി.ജെ. കുര്യൻ എന്നിവർ പ്രസംഗിച്ചു.