അഗളി: അട്ടപ്പാടിചുരം റോഡിൽ ജിയോളജിക്കൽ വിഭാഗം പരിശോധനയ്ക്കെത്തി. റോഡ് ഡിസൈനിംഗ് വിഭാഗത്തിന്റെ നിർദേശപ്രകാരമാണ് പരിശോധന. കിഫ്ബി റോഡ് നിർമാണവുമായി ബന്ധപ്പെട്ട് റോഡ് വീതികൂട്ടേണ്ടതായിവരുന്ന സാഹചര്യത്തിൽ പാറയുടെ സ്വഭാവവും ഭൂമിയുടെ ബലക്ഷമതയും പരിശോധിക്കേണ്ടതുണ്ട്. ജിയോളജിക്കൽ സർവേ ഓഫ് ഇന്ത്യ ജിയോളജിസ്റ്റ് ഡോ. കെ.ആർ. പ്രവീണിന്റെ നേതൃത്വത്തിലുള്ള സംഘമാണ് പരിശോധനയ്ക്കെത്തിയത്.