പൊടിമറ്റം: സിപിഎം നേതാവ് പി.ഐ. ഷുക്കൂര്‍ അനുസ്മരണ സമ്മേളനം വൈദ്യുതി മന്ത്രി എം.എം. മണി ഉദ്ഘാടനം ചെയ്തു. നല്ലൊരു കമ്മ്യൂണിസ്റ്റുകാരനും പൊതുപ്രവര്‍ത്തകനുമായിരുന്നു പി.ഐ. ഷുക്കൂര്‍ എന്ന് മന്ത്രി പറഞ്ഞു. രാഷ്ട്രീയത്തിന് അതീതമായി സൗഹൃദങ്ങള്‍ കാത്തു സൂക്ഷിച്ചിരുന്ന വ്യക്തിത്വത്തിന് ഉടമയായിരുന്നു അദ്ദേഹമെന്ന് മന്ത്രി കൂട്ടിച്ചേർത്തു. സമ്മേളനത്തില്‍ പാറത്തോട് പഞ്ചായത്ത് പ്രസിഡന്‍റ് ജയാ ജേക്കബ് അധ്യക്ഷത വഹിച്ചു. കാഞ്ഞിരപ്പള്ളി രൂപതാധ്യക്ഷന്‍ മാര്‍ മാത്യു അറയ്ക്കല്‍ ഫോട്ടോ അനാച്ഛാദനം നടത്തി. ഡോ. എന്‍. ജയരാജ് എംഎല്‍എ പി.ഐ. ഷുക്കൂര്‍ ഓര്‍മത്തൈ വിതരണം നടത്തി. ആന്‍റോ ആന്‍റണി എംപി, കെ.ജെ. തോമസ്, വി.എന്‍. വാസവന്‍, ആശാ ജോയി, കെ. രാജേഷ്, സെബാസ്റ്റ്യന്‍ കുളത്തുങ്കല്‍, പി. ഷാനവാസ്, ഡയസ് കോക്കാട്ട്, പഞ്ചായത്ത് പ്രസിഡന്‍റുമാര്‍, ജനപ്രതിനിധികള്‍, രാഷ്ട്രീയ സാമൂഹ്യ നേതാക്കള്‍ തുടങ്ങിയവര്‍ പ്രസംഗിച്ചു.
