കൊയിലാണ്ടി: ദേശീയപാതയിൽ തിരുവങ്ങൂർ അണ്ടിക്കമ്പനിക്ക് സമീപം കാറും തപാൽ വകുപ്പിന്റെ വാഹനവും കൂട്ടിയിടിച്ച് യുവാവ് മരിച്ചു. ഒരാൾക്ക് പരിക്ക്. പയ്യോളി സ്വദേശി താരേമൽ ഹമീദിന്റെ മകൻ റഷീദ് (21) ആണ് മരിച്ചത്. പരിക്കേറ്റ പയ്യോളി തായിക്കര വീട്ടിൽ മുഫീദി(24)നെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ രാവിലെ 10 നായിരുന്നു അപകടം. കോഴിക്കോട്ടേക്ക് പോവുകയായിരുന്ന കാർ തപാൽ വകുപ്പിന്റെ ലോറിയുമായി കൂട്ടിയിടിക്കുകയായിരുന്നു.