കോഴിക്കോട്: ലാലിസേവ്യര് ചാരിറ്റബിള് ട്രസ്റ്റ് അവാര്ഡിന് അസംഘടിത മേഖലാ തൊഴിലാളി യൂണിയന് സംസ്ഥാന സെക്രട്ടറിപി.വിജി അര്ഹയായി. 10001 രൂപയും പ്രശസ്തി പത്രവും ഫലകവുമടങ്ങുന്നതാണ് അവാര്ഡ്. ഈ മാസം ഏഴിന് വൈകുന്നേരം അഞ്ചിന് അളകാപുരിയില് നടക്കുന്ന ചടങ്ങില് തിരൂര് തുഞ്ചത്തെഴുത്തച്ഛന് സര്വകലാശാല വൈസ് ചാന്സിലര് ഡോ.അനില് വള്ളത്തോള് പുരസ്ക്കാരം സമര്പ്പിക്കും. സാഹിത്യ അക്കാദമി വൈസ് ചെയര്പേഴ്സണ് ഡോ. ഖദീജ മുംതാസ് ഉദ്ഘാടനം നിര്വഹിക്കും.വാര്ത്താസമ്മേളനത്തില് ചെയര്മാന് പി.ബാലകൃഷ്ണന് , പ്രഫ. പി.ഐ. ജോണ് , ഡോ. സി.ശ്രീകുമാരന് ,പ്രഫ. വി.ടി. തോമസ്, ഡോ ശ്രീകുമാരന് എന്നിവര് പങ്കെടുത്തു.