പാലക്കാട്: മലന്പുഴ ജവഹർ നവോദയ വിദ്യാലയത്തിൽ 2019-2020 അധ്യയന വർഷത്തിൽ ആറാം ക്ലാസിലേക്കും ഒന്പതാം ക്ലാസിൽ ഒഴിവുള്ള സീറ്റുകളിലേക്കും ഓണ്ലൈൻ അപേക്ഷ ക്ഷണിച്ചു. അപേക്ഷാ ഫീസ് ഇല്ല. അപേക്ഷ സമർപ്പിക്കാനുള്ള അവസാന തീയതി നവംബർ 30. ആറാം ക്ലാസിലെ പ്രവേശന പരീക്ഷ 2019 ഏപ്രിൽ ആറിനും ഒൻപതാം ക്ലാസിലെ പ്രവേശന പരീക്ഷ 2019 ഫെബ്രുവരി രണ്ടിനുമാണ്. ജവഹർ നവോദയ വിദ്യാലയം സ്ഥിതി ചെയ്യുന്ന ജില്ലയിലെ സർക്കാർ/ സർക്കാർ അംഗീകൃത വിദ്യാലയങ്ങളിൽ 2018-19 വർഷം എട്ടാം തരത്തിൽ പഠിക്കുന്നവർക്ക് ഒൻപതാം ക്ലാസിലേക്കും അഞ്ചാം തരത്തിൽ പഠിക്കുന്നവർക്ക് ആറാം ക്ലാസിലേക്കും അപേക്ഷിക്കാം. കൂടുതൽ വിവരങ്ങൾ വെബ്സൈറ്റിലും 0491-2815157 /9447293297 ഫോണ് നന്പരുകളിലും ലഭിക്കും.