പാലാ: മദ്യവിപത്തിനെതിരേ ഇളംതലമുറയും രംഗത്തിറങ്ങുന്നു. മദ്യവിപത്തിന്റെ ഭീകരത ചൂണ്ടിക്കാട്ടി പാലാ നഗരത്തില് വിവിധ സ്ഥലങ്ങളില് തെരഞ്ഞെടുക്കപ്പെട്ട വിദ്യാര്ഥികള് സന്ദേശം നല്കി. കെസിബിസി ടെമ്പറന്സ് കമ്മീഷന്റെയും ആന്റി ഡ്രഗ്സ് സ്റ്റുഡന്റ്സ് ഫെഡറേഷന്റെയും സംയുക്താഭിമുഖ്യത്തിലാണ് ബോധവത്കരണ പരിപാടി സംഘടിപ്പിച്ചത്.
ജില്ലയിലെ 150 സ്കൂളുകളില്നിന്നും തെരഞ്ഞെടുക്കപ്പെട്ട 20 വിദ്യാര്ഥിനീ-വിദ്യാര്ഥികളാണ് നഗരത്തില് മാറ്റുരച്ചത്.ഹൈസ്കൂൾ-ഹയര് സെക്കൻഡറി തലത്തിലായി നടത്തിയ പ്രസംഗമത്സരത്തില് പങ്കെടുത്ത് വിജയികളായവരാണിവര്. മദ്യവിപത്തിനെതിരേ തുടര്ന്നുവരുന്ന കാമ്പയിന്റെ ഭാഗമായി നടത്തിയ "എലക്യൂഷൻ-2018' വിന്നേഴ്സ് അസംബ്ലി ചലച്ചിത്രതാരം മിയ ജോര്ജ് ഉദ്ഘാടനം ചെയ്തു. മദ്യവും മയക്ക്-ലഹരി വസ്തുക്കളും സമൂഹത്തെ ഒന്നാകെ വിനാശകരമായ അവസ്ഥയിലേക്ക് എത്തിക്കുകയാണ്. ഇതിനു നാം തടയിടണം. ഇളംതലമുറയും യുവതലമുറയും ഈ വിപത്തിനെതിരേ ശക്തമായി രംഗത്തിറങ്ങണമെന്നും മിയ ജോര്ജ് അഭിപ്രായപ്പെട്ടു.
ഉപന്യാസ മത്സരവിജയികളായ 20 വിദ്യാര്ഥിനീ-വിദ്യാര്ഥികളും രക്ഷിതാക്കളും ചടങ്ങില് പങ്കെടുത്തു. പാലാ ളാലം പാലം ജംഗ്ഷനിലായിരുന്നു "എലക്യൂഷൻ-2018' വിന്നേഴ്സ് അസംബ്ലി നടന്നത്. പരിപാടിയില് വിജയികളായവര്ക്ക് മിയ ജോര്ജ് സമ്മാനങ്ങള് വിതരണം ചെയ്തു.
പ്രസിഡന്റ് പ്രസാദ് കുരുവിള അധ്യക്ഷത വഹിച്ച സമ്മേളനത്തില് ഡയറക്ടര് ഫാ. മാത്യു പുതിയിടത്ത് സന്ദേശം നൽകി. സിസ്റ്റര് റെനി മേക്കലാത്ത് എഫ്സിസി, ആകാശ് ആന്റണി, ജോസ് കവിയിൽ, ബെന്നി കൊള്ളിമാക്കിയില്, മറിയമ്മ ലൂക്കോസ്, ഡെയ്സമ്മ ചൊവ്വാറ്റുകുന്നേല്, ഏബ്രഹാം ഫ്രഞ്ചി എന്നിവര് പ്രസംഗിച്ചു.
ജില്ലയിലെ 150 സ്കൂളുകളില്നിന്നും തെരഞ്ഞെടുക്കപ്പെട്ട 20 വിദ്യാര്ഥിനീ-വിദ്യാര്ഥികളാണ് നഗരത്തില് മാറ്റുരച്ചത്.ഹൈസ്കൂൾ-ഹയര് സെക്കൻഡറി തലത്തിലായി നടത്തിയ പ്രസംഗമത്സരത്തില് പങ്കെടുത്ത് വിജയികളായവരാണിവര്. മദ്യവിപത്തിനെതിരേ തുടര്ന്നുവരുന്ന കാമ്പയിന്റെ ഭാഗമായി നടത്തിയ "എലക്യൂഷൻ-2018' വിന്നേഴ്സ് അസംബ്ലി ചലച്ചിത്രതാരം മിയ ജോര്ജ് ഉദ്ഘാടനം ചെയ്തു. മദ്യവും മയക്ക്-ലഹരി വസ്തുക്കളും സമൂഹത്തെ ഒന്നാകെ വിനാശകരമായ അവസ്ഥയിലേക്ക് എത്തിക്കുകയാണ്. ഇതിനു നാം തടയിടണം. ഇളംതലമുറയും യുവതലമുറയും ഈ വിപത്തിനെതിരേ ശക്തമായി രംഗത്തിറങ്ങണമെന്നും മിയ ജോര്ജ് അഭിപ്രായപ്പെട്ടു.
ഉപന്യാസ മത്സരവിജയികളായ 20 വിദ്യാര്ഥിനീ-വിദ്യാര്ഥികളും രക്ഷിതാക്കളും ചടങ്ങില് പങ്കെടുത്തു. പാലാ ളാലം പാലം ജംഗ്ഷനിലായിരുന്നു "എലക്യൂഷൻ-2018' വിന്നേഴ്സ് അസംബ്ലി നടന്നത്. പരിപാടിയില് വിജയികളായവര്ക്ക് മിയ ജോര്ജ് സമ്മാനങ്ങള് വിതരണം ചെയ്തു.
പ്രസിഡന്റ് പ്രസാദ് കുരുവിള അധ്യക്ഷത വഹിച്ച സമ്മേളനത്തില് ഡയറക്ടര് ഫാ. മാത്യു പുതിയിടത്ത് സന്ദേശം നൽകി. സിസ്റ്റര് റെനി മേക്കലാത്ത് എഫ്സിസി, ആകാശ് ആന്റണി, ജോസ് കവിയിൽ, ബെന്നി കൊള്ളിമാക്കിയില്, മറിയമ്മ ലൂക്കോസ്, ഡെയ്സമ്മ ചൊവ്വാറ്റുകുന്നേല്, ഏബ്രഹാം ഫ്രഞ്ചി എന്നിവര് പ്രസംഗിച്ചു.