കൊയിലാണ്ടി: താലൂക്ക് ആശുപത്രിയുടെ പുതിയ കെട്ടിടം ആറിന് മുഖ്യമന്ത്രി പിണറായി വിജയൻ നാടിനു സമർപ്പിക്കും. 20 കോടി രൂപ ചെലവിൽ ആറ് നിലയിലാണ് കെട്ടിടം. ആരോഗ്യ മന്ത്രി കെ. കെ. ശൈലജ അധ്യക്ഷത വഹിക്കും. കെ. ദാസൻ എംഎൽഎ, നഗരസഭാ ചെയർമാൻ കെ. സത്യൻ തുടങ്ങിയവർ ചടങ്ങിൽ സംബന്ധിക്കും. ദിവസേന 2500ൽ അധികം ആളുകൾ ചികിത്സക്കായി എത്തുന്ന താലൂക്ക് ആശുപത്രി പുതിയ കെട്ടിടം പൂർണ്ണ സജ്ജമാകുന്നതോടെ രോഗികൾക്ക് ഏറെ സഹായകമാവും.