കുടിവെള്ളമില്ല; ല​ക്കി​ടി​ക്കാ​ർ​ക്ക് ജ​ല​നി​ധി പാരയായി

ഒ​റ്റ​പ്പാ​ലം: ല​ക്കി​ടി​ക്കാ​ർ​ക്ക് കു​ടി​വെ​ള്ളം ല​ഭി​ക്കാ​താ​യി​ട്ട് ഒ​ന്ന​ര​മാ​സം പി​ന്നി​ട്ടു. ഗ്രാ​മ​പ​ഞ്ചാ​യ​ത്ത് കു​ടി​വെ​ള്ള​വി​ത​ര​ണം കേ​ര​ള വാ​ട്ട​ർ അ​ഥോ​റി​റ്റി​യി​ൽ​നി​ന്നും മാ​റ്റി ജ​ല​നി​ധി​ക്ക് കൈ​മാ​റി​യ​തോ​ടു കൂ​ടി​യാ​ണ് ല​ക്കി​ടി​പേ​രൂ​ർ ഗ്രാ​മ​പ​ഞ്ചാ​യ​ത്തു​കാ​ർ​ക്ക് ഈ ​ശ​നി​ദ​ശ തു​ട​ങ്ങി​യ​ത്.
കു​ടി​വെ​ള്ള​വി​ത​ര​ണം പ​ല​ത​വ​ണ​യാ​യി ആ​ഴ്ച​ക​ളോ​ളം മു​ട​ങ്ങി. ആ​ദ്യം രാ​ഷ്ട്രീ​യ​പാ​ർ​ട്ടി​ക​ൾ സ​മ​ര​വു​മാ​യി രം​ഗ​ത്തി​റ​ങ്ങി​യെ​ങ്കി​ലും അ​വ​സാ​നം എ​ല്ലാ​വ​രും പി​ൻ​വാ​ങ്ങി.
വെ​ള്ളം വി​ത​ര​ണം ചെ​യ്യാ​തി​രി​ക്കു​ന്ന​തു​മാ​യി ബ​ന്ധ​പ്പെ​ട്ട് ജ​ല​നി​ധി​ക്ക് പ​റ​യാ​ൻ കാ​ര​ണ​ങ്ങ​ൾ പ​ല​തു​ണ്ടാ​യി. പൊ​തു​ടാ​പ്പു​ക​ൾ​ക്ക് പ​ഞ്ചാ​യ​ത്ത് ന​ല്കേ​ണ്ട തു​ക അ​നു​വ​ദി​ക്കാ​ത്ത​താ​ണ് അ​വ​സാ​നം കാ​ര​ണ​മാ​യി ജ​ല​നി​ധി പ​റ​ഞ്ഞ​ത്. കു​ടി​വെ​ള്ളം മു​ട​ങ്ങു​ന്ന​തു​മാ​യി ബ​ന്ധ​പ്പെ​ട്ട് ഭ​ര​ണ​ത്തി​നു നേ​തൃ​ത്വം ന​ല്കു​ന്ന സി​പി​എം ത​ന്നെ പ്ര​ക്ഷോ​ഭ​ത്തി​ന് ഇ​റ​ങ്ങി. ജ​ല​നി​ധി​ക്ക് ന​ല്കേ​ണ്ട പ​ണം കൈ​മാ​റാ​ൻ ഉ​ത്ത​ര​വാ​ദി​ക​ളാ​യ​വ​ർ ത​ന്നെ ഇ​തു ചെ​യ്യാ​തെ ജ​ല​നി​ധി​ക്കു​മു​ന്പി​ൽ സ​മ​രം ന​ട​ത്തി ജ​ന​ങ്ങ​ളെ ക​ബ​ളി​പ്പി​ക്കു​ന്ന കാ​ഴ്ച​യും ക​ഴി​ഞ്ഞ​ദി​വ​സ​ങ്ങ​ളി​ൽ ക​ണ്ടു. ജ​ല​നി​ധി​ക്ക് ന​ല്കേ​ണ്ട തു​ക ഉ​ട​നേ കൈ​മാ​റു​മെ​ന്നു ല​ക്കി​ടി​പേ​രൂ​ർ പ​ഞ്ചാ​യ​ത്ത് സെ​ക്ര​ട്ട​റി ഉ​റ​പ്പു പ​റ​ഞ്ഞെ​ങ്കി​ലും തു​ക ജ​ല​നി​ധി​ക്ക് ല​ഭി​ക്കു​ക​യു​ണ്ടാ​യി​ല്ല. തു​ക ഇ​നി​യും ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി ന​ല്കി​യി​ട്ടി​ല്ല.
ഒ​ന്ന​ര​മാ​സ​ത്തി​ലേ​റെ​യാ​യി വെ​ള്ളം കി​ട്ടാ​തെ ജ​ന​ങ്ങ​ൾ വ​ല​യു​ക​യാ​ണ്. ക​ന​ത്ത വേ​ന​ലി​നെ അ​നു​സ്മ​രി​പ്പി​ച്ചു പ​ണം കൊ​ടു​ത്ത് വെ​ള്ളം വാ​ങ്ങു​ന്ന സ്ഥി​തി​യാ​ണ് ഇ​പ്പോ​ൾ പ​ഞ്ചാ​യ​ത്തി​ലു​ള്ള​ത്. കു​ടി​വെ​ള്ള​വി​ത​ര​ണം എ​ന്നു​മു​ത​ൽ പു​നഃ​സ്ഥാ​പി​ക്കു​മെ​ന്ന ചോ​ദ്യ​ത്തി​നു ഉ​ത്ത​രം ന​ല്കാ​ൻ ഗ്രാ​മ​പ​ഞ്ചാ​യ​ത്ത് അ​ധി​കൃ​ത​ർ​ക്കോ ജ​ല​നി​ധി​ക്കോ ക​ഴി​യാ​ത്ത അ​വ​സ്ഥ​യാ​ണ്.