അഗളി: പൊട്ടിപ്പൊളിഞ്ഞുകിടക്കുന്ന അട്ടപ്പാടിയിലെ പ്രധാന റോഡ് ഉടൻ ഗതാഗതയോഗ്യമാക്കണമെന്നാവശ്യപ്പെട്ട് 16ന് രാവിലെ 10ന് അഗളി പി ഡബ്ല്യു ഡി ഓഫീസിലേക്ക് ബിജെപി ജനകീയ മാർച്ച് നടത്തും. അട്ടപ്പാടിയിലെ മിനി സിവിൽസ്റ്റേഷനിലേക്ക് മുഴുവൻ സർക്കാർ ഓഫീസുകളിലേയും പ്രവർത്തനങ്ങൾ മാറ്റാത്തപക്ഷം സമരപരിപാടികൾ നടത്തുമെന്നും മുന്നറിയിപ്പു നല്കി. അഗളി പഞ്ചായത്തിൽ നടക്കുന്ന അഴിമതിക്കെതിരെ വിജിലൻസ് അന്വേഷണം വേണമെന്നും യോഗം ആവശ്യപ്പെട്ടു. മണ്ഡലം പ്രസിഡന്റ് സി.സി. മോഹൻദാസ് അധ്യക്ഷതവഹിച്ച യോഗം സെക്രട്ടറി ഗോപകുമാർ ഉദ്ഘാടനം ചെയ്തു. ആർ.മണികണ്ഠൻ, ശ്രീനിവാസൻ, എം. ശബരിഗിരി, ശശി, ധർമ്മരാജ്, കവിത, മോഹൻദാസ് പ്രസംഗിച്ചു.