വടക്കഞ്ചേരി: നവകേരള നിർമ്മിതിക്കായി വാദ്യകലാകാരന്മാരുടെ നാദവിസ്മയം.കിഴക്കഞ്ചേരി കറ്റുകുളങ്ങര ക്ഷേത്ര വാദ്യസംഘമാണ് ദുരിതാശ്വാസ പ്രവർത്തനത്തിന്റെ ഭാഗമായി പാണ്ടിമേളം ഒരുക്കിയത്. കിഴക്കഞ്ചേരി നെടുന്പറന്പത്ത് ക്ഷേത്ര പരിസരത്ത് നിന്നും ആരംഭിച്ച് കുണ്ടുകാട് സെന്ററിൽ മൂന്ന് മണിക്കൂറോളം നാദവിസ്മയം തീർത്തു.മൂലങ്കോട് ഉദയകുമാറിന്റെ നേതൃത്വത്തിൽ നടന്ന പാണ്ടിമേളത്തിൽ പഴന്പാലക്കോട് ജയൻ, തിരുവറ അപ്പു, മന്പാട് രാമദാസ് തുടങ്ങി അന്പതോളം കലാകാര·ാർ പാണ്ടിമേളത്തിന് പ്രമാണിത്യം വഹിച്ചു. ഇത്തരത്തിൽ സ്വരൂപിച്ച 4690 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കുന്നതിനു വേണ്ടി സി പി എം ഏരിയാ കമ്മിറ്റി അംഗം എസ് രാധാകൃഷ്ണൻ, ലോക്കൽ കമ്മിറ്റി സെക്രട്ടറി സി സുദേവൻ എന്നിവർക്ക് കൈമാറി