ഗു​സ്തി​താ​ര​ങ്ങ​ൾ മെഡലുകൾ ഗംഗയിൽ ഒഴുക്കാതെ മടങ്ങി

സെ​ബി മാ​ത്യു

ന്യൂ​ഡ​ൽ​ഹി: രാ​ജ്യ​ത്തി​ന്‍റെ അ​ഭി​മാ​നം വാ​നോ​ള​മു​യ​ർ​ത്തി നേ​ടി​യ മെ​ഡ​ലു​ക​ൾ ഗം​ഗ​യി​ൽ ഒഴു ക്കാനെത്തിയ ഗു​സ്തി​താ​ര​ങ്ങ​ൾ ഒ​ടു​വി​ൽ ക​ർ​ഷ​ക​നേ​താ​ക്ക​ളു​ടെ അ​നു​ന​യ​ത്തി​നു വ​ഴ​ങ്ങി മ​ട​ങ്ങി.

ഹ​രി​ദ്വാ​റി​ലെ​ത്തി​യ ഭാ​ര​തീ​യ കി​സാ​ൻ യൂ​ണി​യ​ൻ നേ​താ​വ് ന​രേ​ഷ് ടി​കാ​യ​ത്ത് ഗു​സ്തി​താ​ര​ങ്ങ​ളു​മാ​യി ച​ർ​ച്ച ന​ട​ത്തി, മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്ക​രു​തെ​ന്നും അ​ഞ്ചു ദി​വ​സം​കൂ​ടി കാ​ത്തി​രി​ക്കാ​നും അ​ഭ്യ​ർ​ഥി​ച്ചു. ഗം​ഗ​യി​ൽ ഒ​ഴു​ക്കാ​നാ​യി കൊ​ണ്ടു​വ​ന്ന മെ​ഡ​ലു​ക​ൾ താ​ര​ങ്ങ​ൾ നരേഷ് ടി​കാ​യ​ത്തി​ന് കൈ​മാ​റി.

അ​തി​നി​ടെ, മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്കു​ന്ന​ത് ഹ​രി​ദ്വാ​റി​ലെ ഗം​ഗാ​സ​ഭ വി​ല​ക്കി​യി​രു​ന്നു. ഗം​ഗ ദ​സ​റ ഉ​ത്സ​വം ന​ട​ക്കു​ന്ന സ​മ​യ​മാ​ണെ​ന്നു ചൂ​ണ്ടി​ക്കാ​ട്ടി​യാ​യി​രു​ന്നു വി​ല​ക്ക്. എ​ന്നാ​ൽ, വ​ർ​ഷ​ങ്ങ​ൾ നീ​ണ്ട ത​യാ​റെ​ടു​പ്പു​ക​ൾ​ക്കും ക​ഠി​നാ​ധ്വാ​ന​ങ്ങ​ൾ​ക്കും​ശേ​ഷം രാ​ജ്യ​ത്തേ​ക്കു വ​ന്ന മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്ക​രു​തെ​ന്നാ​ണ് ഹ​രി​ദ്വാ​റി​ൽ കൂ​ടി​നി​ന്ന ജ​ന​ങ്ങ​ൾ വൈകാരിക മായി പ്രതികരിച്ച താ​ര​ങ്ങ​ളോ​ട് അ​ഭ്യ​ർ​ഥി​ച്ച​ത്.

മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്ക​രു​തെ​ന്ന് കോ​ണ്‍ഗ്ര​സും അ​ഭ്യ​ർ​ഥി​ച്ചി​രു​ന്നു. പ്ര​തി​ഷേ​ധ​ങ്ങ​ൾ​ക്കും വി​ല​ക്കു​ക​ൾ​ക്കു​മി​ടെ മു​ൻ ഇ​ന്ത്യ​ൻ ക്രി​ക്ക​റ്റ് താ​രം അ​നി​ൽ കും​ബ്ലെ താ​ര​ങ്ങ​ൾ​ക്കെ​തി​രേ ന​ട​ന്ന പോ​ലീ​സ് അ​തി​ക്ര​മ​ത്തെ അ​പ​ല​പി​ച്ചു രം​ഗ​ത്തെ​ത്തി.

ഗു​സ്തി ഫെ​ഡ​റേ​ഷ​ൻ അ​ധ്യ​ക്ഷ​നും ബി​ജെ​പി നേ​താ​വു​മാ​യി ബ്രി​ജ് ഭൂ​ഷ​ൺ ശ​ര​ണ്‍ സിം​ഗി​നെ​തി​രാ​യ ലൈം​ഗി​കാ​രോ​പ​ണ​ത്തി​ൽ ന​ട​പ​ടി ആ​വ​ശ്യ​പ്പെ​ട്ടാ​ണു ഗു​സ്തി​താ​ര​ങ്ങ​ളു​ടെ പ്ര​തി​ഷേ​ധം.

ഹ​രി​ദ്വാ​റി​ൽ വ​ൻ ജ​ന​ക്കൂ​ട്ട​ത്തെ സാ​ക്ഷി നി​ർ​ത്തി​യാ​ണ് ഗു​സ്തി​താ​ര​ങ്ങ​ൾ ത​ങ്ങ​ൾ​ക്കു ല​ഭി​ച്ച അ​ന്താ​രാ​ഷ്‌​ട്ര മെ​ഡ​ലു​ക​ൾ ഉ​ൾ​പ്പെ​ടെ​യു​ള്ള​വ ഗം​ഗ​യി​ൽ ഒ​ഴു​ക്കാ​നെ​ത്തി​യ​ത്. ത​ങ്ങ​ൾ​ക്കെ​തി​രേ അ​നീ​തി പ്ര​വ​ർ​ത്തി​ച്ച വ്യ​ക്തി​ക്കൊ​പ്പം നി​ല​കൊ​ണ്ട സ​ർ​ക്കാ​രി​ന് അ​വ തി​രി​ച്ചേ​ൽ​പ്പി​ക്കു​ന്ന​തി​ൽ അ​ർ​ഥമി​ല്ലെ​ന്നും അ​തി​നാ​ൽ ഈ ​മെ​ഡ​ലു​ക​ൾ അ​ർ​പ്പി​ക്കാ​ൻ ഗം​ഗ​യോ​ളം വി​ശു​ദ്ധ​മാ​യൊ​രി​ടം വേ​റെ​യി​ല്ലെ​ന്നു​മാ​യി​രു​ന്നു അ​വ​രു​ടെ പ്ര​തി​ക​ര​ണം.

സാ​ക്ഷി മാ​ലി​ക്, വി​നേ​ഷ് ഫോ​ഗ​ട്ട്, സം​ഗീ​ത ഫോ​ഗ​ട്ട് എ​ന്നി​വ​രു​ൾ​പ്പെ​ടെ​യു​ള്ള ഗു​സ്തി​താ​ര​ങ്ങ​ളാ​ണ് മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്കാ​ൻ ഇ​ന്ന​ലെ വൈ​കു​ന്നേ​രം ആ​റോ​ടെ ഹ​രി​ദ്വാ​റി​ലെ ഹ​ർ കി ​പൗ​രി​യി​ൽ എ​ത്തി​യ​ത്.

ഗു​സ്തി ഫെ​ഡ​റേ​ഷ​ൻ അ​ധ്യ​ക്ഷ​ൻ ബ്രി​ജ്ഭൂ​ഷ​ൺ ശ​ര​ണ്‍ സിം​ഗി​നെ​തി​രേ ന​ട​പ​ടി ആ​വ​ശ്യ​പ്പെ​ട്ടു സ​മ​രം ചെ​യ്തി​രു​ന്ന താ​ര​ങ്ങ​ളെ പു​തി​യ പാ​ർ​ല​മെ​ന്‍റ് മ​ന്ദി​ര​ത്തി​ന്‍റെ ഉ​ദ്ഘാ​ട​ന ദി​വ​സ​മാ​ണു പോ​ലീ​സ് ബ​ലം പ്ര​യോ​ഗി​ച്ച് ഡ​ൽ​ഹി ജ​ന്ത​ർ മ​ന്തറി​ൽ​നി​ന്ന് ഒ​ഴി​പ്പി​ച്ച​ത്.

ഇ​നി ല​ക്ഷ്യം ക​ണ്ടെ​ത്തും​വ​രെ ഇ​ന്ത്യ ഗേ​റ്റി​ൽ നി​രാ​ഹാ​ര​മ​നു​ഷ്ഠി​ക്കു​മെ​ന്നാ​ണ് ഗു​സ്തി​താ​ര​ങ്ങ​ളു​ടെ പ്ര​ഖ്യാ​പ​നം. എ​ന്നാ​ൽ, ഇ​ന്ത്യാ ഗേ​റ്റി​ൽ പ്ര​തി​ഷേ​ധം അ​നു​വ​ദി​ക്കി​ല്ലെ​ന്ന് ഡ​ൽ​ഹി പോ​ലീ​സ് വ്യ​ക്ത​മാ​ക്കി​യി​ട്ടു​ണ്ട്.

ആ മെഡലുകൾ

ബ​​​​ജ്രം​​​​ഗ് പു​​​​നി​​​​യ​: ര​​​​ണ്ട് ഒ​​​​ളി​​​​ന്പി​​​​ക് വെ​​​​ങ്ക​​​​ല മെ​​​​ഡ​​​ൽ, നാ​​​​ല് ലോ​​​​ക ചാ​​​​ന്പ്യ​​​​ൻ​​​​ഷി​​​​പ്പ് മെ​​​​ഡ​​​​ലു​​​​ക​​​ൾ, ര​​​​ണ്ട് ഏ​​​​ഷ്യ​​​​ൻ ഗെ​​​​യിം​​​​സ് മെ​​​​ഡ​​​​ലു​​​​ക​​​​ൾ. മൂ​​​​ന്ന് കോ​​​​മ​​​​ണ്‍വെ​​​​ൽ​​​​ത്ത് ഗെയിംസ് മെ​​​​ഡ​​​​ലു​​​​ക​​​​ൾ.

സാ​​​​ക്ഷി മാ​​​ലി​​​ക്ക്: ര​​​​ണ്ട് ഒ​​​​ളി​​​​ന്പി​​​​ക് വെ​​​​ങ്ക​​​​ല മെ​​​​ഡ​​​ൽ

വി​​​​നേ​​​​ഷ് ഫോ​​​​ഗ​​​​ട്ട്: ര​​​​ണ്ട് ലോ​​​​ക ചാ​​​​ന്പ്യ​​​​ൻ​​​​ഷി​​​​പ്പ് മെ​​​​ഡ​​​​ലു​​​​ക​​​ൾ, ര​​​​ണ്ട് ഏ​​​​ഷ്യാ​​​​ഡ് മെ​​​​ഡ​​​​ലു​​​​ക​​​ൾ, മൂ​​​​ന്ന് കോ​​​​മ​​​​ണ്‍വെ​​​​ൽ​​​​ത്ത് മെ​​​​ഡ​​​​ലു​​​​ക​​​ൾ.