ഭോപാൽ: ഐഎസ്എസ്എഫ് ലോകകപ്പ് ഷൂട്ടിംഗ് ചാന്പ്യൻഷിപ്പിൽ ഇന്ത്യക്ക് രണ്ടു മെഡൽകൂടി. മിക്സഡ് ടീം ഇനങ്ങളിലാണ് ഇന്ത്യ മെഡൽ സ്വന്തമാക്കിയത്.
10 മീറ്റർ പിസ്റ്റൾ മിക്സഡ് ടീം ഇനത്തിൽ ഇന്ത്യയുടെ വരുണ് തോമർ-റിഥം സംഗ്വാൻ സഖ്യം വെള്ളി സ്വന്തമാക്കി. വരുണ് നേരത്തേ പുരുഷ എയർ പിസ്റ്റളിൽ വെങ്കലം നേടിയിരുന്നു.
എയർ റൈഫിൾ മിക്സഡ് ടീം ഇനത്തിൽ രുദ്രാൻഷ് പാട്ടീൽ-നർമദ നിതിൻ രാജു സഖ്യം വെങ്കലം സ്വന്തമാക്കി. ചാന്പ്യൻഷിപ്പിന്റെ ആദ്യദിനം സരബ്ജോത് സിംഗ് ഇന്ത്യക്കായി സ്വർണം നേടിയിരുന്നു.
ഒരു സ്വർണവും ഒരു വെള്ളിയും രണ്ടു വെങ്കലവുമായി ടേബിളിൽ രണ്ടാം സ്ഥാനത്താണ് ഇന്ത്യ. മൂന്നു സ്വർണവും രണ്ടു വെങ്കലവുമായി ചൈനയാണ് ഒന്നാം സ്ഥാനത്ത്.
ഷൂട്ടിംഗ്: ഇന്ത്യക്കു രണ്ടു മെഡൽ
12:01 AM Mar 25, 2023 | Deepika.com