ന്യൂയോർക്ക്: ഇന്ത്യൻ വെൽസ് പരുഷ ഡബിൾസ് ടെന്നീസ് ചാന്പ്യനായി രോഹൻ ബൊപ്പണ്ണ ചരിത്രം കുറിച്ചു. ഇന്ത്യയുടെ രോഹൻ ബൊപ്പണ്ണയും ഓസ്ട്രേലിയയുടെ മാറ്റ് എബഡെനും ചേർന്ന സഖ്യം ഫൈനലിൽ ടോപ് സീഡായ നെതർലൻഡ്സിന്റെ വെസ്ലി കൂൾഹഫ് - ബ്രിട്ടന്റെ നീൽ കുപ്സ്കി കൂട്ടുകെട്ടിനെയാണു കീഴടക്കിയത്. സ്കോർ: 6-3, 2-6, 10-8.
എടിപി മാസ്റ്റേഴ്സ് 1000 ചാന്പ്യൻഷിപ്പ് സ്വന്തമാക്കുന്ന ഏറ്റവും പ്രായം കൂടിയ കളിക്കാരൻ എന്ന റിക്കാർഡും ഇതോടെ നാൽപ്പത്തിമൂന്നുകാരനായ രോഹൻ ബൊപ്പണ്ണ സ്വന്തമാക്കി. സെമിയിൽ അമേരിക്കയുടെ ജോണ് ഇസ്നർ-ജാക് സോക് സഖ്യത്തെ കീഴടക്കിയായിരുന്നു ബൊപ്പണ്ണ-എബ്ഡെൻ കൂട്ടുകെട്ട് ഫൈനലിൽ പ്രവേശിച്ചത്.
ചരിത്രം കുറിച്ച് ബൊപ്പണ്ണ
02:19 AM Mar 20, 2023 | Deepika.com