മുംബൈ: വനിതാ പ്രീമിയർ ലീഗ് ട്വന്റി-20 ക്രിക്കറ്റിൽ മുംബൈ ഇന്ത്യൻസ് അപരാജിത കുതിപ്പ് തുടരുന്നു. തുടർച്ചയായ അഞ്ചാം മത്സരത്തിലും മുംബൈ ഇന്ത്യൻ ജയം സ്വന്തമാക്കി. ഗുജറാത്ത് ജയ്ന്റ്സിനെ 55 റണ്സിനാണ് മുംബൈ കീഴടക്കിയത്. സ്കോർ: മുംബൈ ഇന്ത്യൻസ് 162/8 (20). ഗുജറാത്ത് ജയ്ന്റ്സ് 107/9 (20).
ടോസ് നഷ്ടപ്പെട്ട് ക്രീസിലെത്തിയ മുംബൈക്കായി ക്യാപ്റ്റൻ ഹർമൻപ്രീത് കൗർ (30 പന്തിൽ 51), വിക്കറ്റ് കീപ്പർ ബാറ്റർ യസ്തിക ഭാട്യ (37 പന്തിൽ 44), നാറ്റ ഷീവർ ബ്രന്റ് (31 പന്തിൽ 36), അമേലിയ കേർ (13 പന്തിൽ 19) എന്നിവർ മികച്ച ബാറ്റിംഗ് കാഴ്ചവച്ചു.
163 റണ്സ് എന്ന ലക്ഷ്യത്തിനായി ക്രീസിലെത്തിയ ഗുജറാത്തിന്റെ ഇന്നിംഗ്സിൽ ഹർലീൻ ഡിയോൾ (23 പന്തിൽ 22) ടോപ് സ്കോററായി. മുംബൈക്കായി നാറ്റ് ഷീവർ ബ്രെന്റ്, ഹെയ്ലി മാത്യൂസ് എന്നിവർ മൂന്ന് വിക്കറ്റ് സ്വന്തമാക്കി.
വനിതാ പ്രീമിയർ ലീഗിൽ മുംബൈ ഇന്ത്യൻസിന് തുടർച്ചയായ അഞ്ചാം ജയം
12:25 AM Mar 15, 2023 | Deepika.com