ദോഹ: ഖത്തർ ലോകകപ്പ് അവസാന എട്ടിലേക്കു ചുരുങ്ങുന്പോൾ കാത്തിരിക്കുന്നതു മരണപ്പോരാട്ടങ്ങൾ. രണ്ടാം ക്വാർട്ടറിൽ ഇംഗ്ലണ്ട് ലോകജേതാക്കളായ ഫ്രാൻസിനെ നേരിടും. ഈ ലോകകപ്പിലെ കരുത്തുറ്റ രണ്ടു ടീമുകൾ തമ്മിലുള്ള യുദ്ധമാകുമിതെന്നുറപ്പ്. പത്തിനാണു മത്സരം.
ഗ്രൂപ്പ് ഘട്ടത്തിൽ ഒരു മത്സരംപോലും പരാജയപ്പെടാതെ ഗ്രൂപ്പ് ചാന്പ്യന്മാരായാണ് ഇംഗ്ലണ്ട് നോക്കൗട്ടിൽ കടന്നത്. ഫ്രാൻസ് ഗ്രൂപ്പ് ഘട്ടത്തിലെ ആദ്യ രണ്ടു മത്സരങ്ങൾ വിജയിച്ചെങ്കിലും ടുണീഷ്യക്കെതിരേ അപ്രതീക്ഷിത പരാജയം നേരിട്ടിരുന്നു. എങ്കിലും ഗ്രൂപ്പ് ചാന്പ്യന്മാരായി.
ഇന്നലെ പ്രീക്വാർട്ടറിൽ ഒന്നിനെതിരേ മൂന്നു ഗോളിനു പോളണ്ടിനെയും തോൽപ്പിച്ചു. സെനഗലിനെ എതിരില്ലാത്ത മൂന്നു ഗോളിനു തകർത്താണു ത്രീ ലയണ്സിന്റെ മുന്നേറ്റം. ആദ്യ ക്വാർട്ടറിൽ അർജന്റീന നെതർലൻഡ്സിനെ നേരിടും.
അഗ്നിപരീക്ഷ
01:40 AM Dec 06, 2022 | Deepika.com