ഉള്ള തൊഴിലും മോദിസർക്കാർ നശിപ്പിച്ചു: സഞ്ജീവ റെഡ്ഡി

ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: ഉ​ള്ള തൊ​ഴി​ൽ​കൂടി ന​ശി​പ്പി​ച്ച നി​ല​വി​ലെ കേ​ന്ദ്ര​സ​ർ​ക്കാ​ർ തി​ക​ച്ചും തൊ​ഴി​ലാ​ളിവി​രു​ദ്ധ​മാ​ണെ​ന്ന് ഐ​എ​ൻ​ടി​യു​സി ദേ​ശീ​യ പ്ര​സി​ഡ​ന്‍റ് ഡോ. ​ജി. സ​ഞ്ജീ​വ റെ​ഡ്ഡി. പു​തി​യ തൊ​ഴി​ൽ കോ​ഡ് അ​ട​ക്കം കേ​ന്ദ്ര​ന​യ​ങ്ങ​ൾ കു​ത്ത​ക വ്യ​വ​സാ​യി​ക​ൾ അ​ട​ക്ക​മു​ള്ള തൊ​ഴി​ലു​ട​മ​ക​ളെ സ​ഹാ​യി​ക്കാ​നാ​ണെ​ന്നും ഇ​തി​നെ​തി​രേ ട്രേ​ഡ് യൂ​ണി​യ​നു​ക​ളു​ടെ സം​യു​ക്ത ഏ​കോ​പ​ന സ​മി​തി പ്ര​തി​ഷേ​ധം തു​ട​രു​മെ​ന്നും മു​ൻ എം​പി കൂ​ടി​യാ​യ റെ​ഡ്ഡി ദീ​പി​ക​യോ​ടു പ​റ​ഞ്ഞു.

ഫെ​ബ്രു​വ​രി 22 മു​ത​ൽ 24 വ​രെ ഡ​ൽ​ഹി​യി​ലെ ത​ൽ​ക്ക​ത്തോ​റ സ്റ്റേ​ഡി​യ​ത്തി​ൽ ന​ട​ക്കു​ന്ന ഐഎൻടിയുസി പ്ലീ​ന​റി സ​മ്മേ​ള​ന​ത്തി​ൽ തൊ​ഴി​ലാ​ളി​ക​ളു​ടെ അ​വ​കാ​ശസം​ര​ക്ഷ​ത്തി​നു പു​തി​യ ക​ർ​മ​പ​ദ്ധ​തി ആ​വി​ഷ്ക​രി​ക്കു​മെ​ന്ന് ദേ​ശീ​യ പ്ര​സി​ഡ​ന്‍റ് പ​റ​ഞ്ഞു. ആ​റാ​യി​രം പ്ര​തി​നി​ധി​ക​ൾ പ​ങ്കെ​ടു​ക്കു​ന്ന പ്ലീ​ന​റി സ​മ്മേ​ള​നം ച​രി​ത്ര​മാകു​മെ​ന്ന് ഐ​എ​ൻ​ടി​യു​സി ദേ​ശീ​യ വൈ​സ് പ്ര​സി​ഡ​ന്‍റ് ആ​ർ. ച​ന്ദ്ര​ശേ​ഖ​ര​ൻ പറഞ്ഞു. പു​തി​യ ഭാ​ര​വാ​ഹി​ക​ളെ​യും ഫെ​ബ്രു​വ​രി​യി​ലെ പ്ലീ​ന​റി​യി​ൽ തെ​ര​ഞ്ഞെ​ടു​ക്കും.

തൊ​ഴി​ലു​ട​മ​ക​ളു​ടെ താ​ത്പ​ര്യ​സം​ര​ക്ഷ​ണം മാ​ത്ര​മാ​ണു കേ​ന്ദ്ര​സ​ർ​ക്കാ​ർ ചെ​യ്യു​ന്ന​ത്. തൊ​ഴി​ലാ​ളി​ക​ളു​ടെ​യും സാ​ധാ​ര​ണ​ക്കാ​രു​ടെ​യും പ്ര​യാ​സ​ങ്ങ​ളും അ​വ​കാ​ശ​ങ്ങ​ളും സ​ർ​ക്കാ​രി​നു പ്ര​ശ്ന​മ​ല്ല. പാ​ർ​ല​മെ​ന്‍റി​ലെ നി​യ​മ​നി​ർ​മാ​ണ​ങ്ങ​ൾപോ​ലും തൊ​ഴി​ലാ​ളി വി​രു​ദ്ധ​ത​യു​ടെ നേ​ർ​ചി​ത്ര​ങ്ങ​ളാ​ണ്. തൊ​ഴി​ലാ​ളി​യു​ടെ അ​വ​കാ​ശ സം​ര​ക്ഷ​ണ​ത്തി​നാ​യി കോ​ണ്‍ഗ്ര​സ് സ​ർ​ക്കാ​രു​ക​ൾ ന​ട​പ്പാ​ക്കി​യ തൊ​ഴി​ൽ നി​യ​മ​ങ്ങ​ൾ ഇ​ല്ലാ​താ​ക്കു​ക​യോ വെ​ള്ളം ചേ​ർ​ക്കു​ക​യോ ചെ​യ്തു. തൊ​ഴി​ലാ​ളി യൂ​ണി​യ​നു​ക​ളു​മാ​യി ച​ർ​ച്ച പോ​ലും ചെ​യ്യാ​തെ​യാ​ണു നി​യ​മ​ങ്ങ​ൾ പാ​സാ​ക്കു​ന്ന​തെ​ന്നു ദീ​പി​ക​യ്ക്കു ന​ൽ​കി​യ പ്ര​ത്യേ​ക അ​ഭി​മു​ഖ​ത്തി​ൽ സ​ഞ്ജീ​വ റെ​ഡ്ഡി ആ​രോ​പി​ച്ചു.

വി​ഴി​ഞ്ഞം തു​റ​മു​ഖം പോ​ലെ​യു​ള്ള വ​ൻ​പ​ദ്ധ​തി ന​ട​പ്പാ​ക്കു​ന്ന​തി​നു മു​ന്പാ​യി ഒ​രു സ​ർ​ക്കാ​രും ട്രേ​ഡ് യൂ​ണി​യ​നു​ക​ളു​മാ​യി ച​ർ​ച്ച ന​ട​ത്തി​യി​ല്ലെ​ന്ന് ച​ന്ദ്ര​ശേ​ഖ​ര​ൻ വ്യ​ക്ത​മാ​ക്കി.

തൊ​ഴി​ലാ​ളി​ക​ളെ വി​ശ്വാ​സ​ത്തി​ലെ​ടു​ക്കാ​തെ​യും സ​ഹ​ക​ര​ണ​മി​ല്ലാ​തെ​യും ഒ​രു പ​ദ്ധ​തി​യും വി​ജ​യി​പ്പി​ക്കാ​നാ​കി​ല്ല. പ​ഴ​യ യു​ഡി​എ​ഫ് സ​ർ​ക്കാ​രും ഇ​പ്പോ​ഴ​ത്തെ എ​ൽ​ഡി​എ​ഫ് സ​ർ​ക്കാ​രും ഒ​രു ഘ​ട്ട​ത്തി​ലും തൊ​ഴി​ലാ​ളി യൂ​ണി​യ​നു​ക​ളു​മാ​യി ആ​ലോ​ചി​ക്കു​ക​യോ എ​ന്തെ​ങ്കി​ലും വി​വ​രം അ​റി​യി​ക്കു​ക​യോ ചെ​യ്തി​ല്ല.

ട്രേ​ഡ് യൂ​ണി​യ​നു​ക​ളു​ടെ സം​യു​ക്ത ഏ​കോ​പ​ന സ​മി​തി​യു​ടെ പ്ര​വ​ർ​ത്ത​നം കൂ​ടു​ത​ൽ ശ​ക്തി​പ്പെ​ടു​ത്തു​മെ​ന്നു സ​ഞ്ജീ​വ റെ​ഡ്ഡി വ്യ​ക്ത​മാ​ക്കി. രാ​ജ്യ​ത്തെ തൊ​ഴി​ലാ​ളി സം​ഘ​ട​ന​ക​ൾ ഒ​റ്റ​ക്കെ​ട്ടാ​യി​നി​ന്ന് സ​ർ​ക്കാ​രു​ക​ളു​ടെ തൊ​ഴി​ലാ​ളി വി​രു​ദ്ധ ന​ട​പ​ടി​ക​ളെ ചെ​റു​ത്തു തോ​ൽ​പ്പി​ക്കും. ഡ​ൽ​ഹി​യി​ൽ ക​ർ​ഷ​ക​ർ ആ​രം​ഭി​ക്കു​മെ​ന്നു പ്ര​ഖ്യാ​പി​ച്ച ര​ണ്ടാം സ​മ​ര​ത്തി​നും ഐ​എ​ൻ​ടി​യു​സി പി​ന്തു​ണ ന​ൽ​കു​മെ​ന്ന് നേ​താ​ക്ക​ൾ പ​റ​ഞ്ഞു.

സ്വകാര്യവത്കരണത്തിന് എതിരേ പ്രതിഷേധിക്കും

പൊ​തു​മേ​ഖ​ലാ സ്ഥാ​പ​ന​ങ്ങ​ൾ സ്വ​കാ​ര്യ​വ​ത്ക​രി​ക്കു​ന്ന കേ​ന്ദ്ര സ​ർ​ക്കാ​ർ സ​മീ​പ​ന​ത്തി​നെ​തി​രേ പ്ര​ക്ഷോ​ഭം സം​ഘ​ടി​പ്പി​ക്കു​മെ​ന്ന് ഐ​എ​ൻ​ടി​യു​സി ദേ​ശീ​യ ഉ​പാ​ധ്യ​ക്ഷ​ൻ ആ​ർ. ച​ന്ദ്ര​ശേ​ഖ​ര​ൻ. സം​യു​ക്ത സ​മ​ര സ​മി​തി ഇ​ന്ന് രാ​ജ്യ​വ്യാ​പ​ക​മാ​യി ന​ട​ത്തു​ന്ന പ്ര​തി​ഷേ​ധ ദി​നാ​ച​ര​ണ​ത്തി​ലും പ്ര​വ​ർ​ത്ത​ക​ർ പ​ങ്കെ​ടു​ക്കും.