ഹോഷിയാർപുർ: പഞ്ചാബിൽ തെരുവുനായ്ക്കളെ ഭയന്നോടി കുഴൽക്കിണറിൽ വീണ ആറു വയസുകാരൻ മരിച്ചു. ഹോഷിയാർപുരിലെ ബുലന്ദ ഗ്രാമത്തിലായിരുന്നു സംഭവം. യുപി സ്വദേശിയായ തൊഴിലാളിയുടെ മകനായ ഋതിക് റോഷൻ ആണു മരിച്ചത്. 100 അടി താഴ്ചയുള്ള കുഴൽക്കിണറിലാണു വീണത്. ഒന്പതു മണിക്കൂർ നീണ്ട രക്ഷാപ്രവർത്തനത്തിനൊടുവിൽ കുട്ടിയെ പുറത്തെത്തിച്ചെങ്കിലും മരിച്ചിരുന്നു.
പാടത്ത് കളിക്കുകയായിരുന്ന കുട്ടിയെ തെരുവുനായ്ക്കൾ ആക്രമിക്കാൻ ശ്രമിച്ചതോടെ കുട്ടി ഓടി കുഴൽക്കിണറിന്റെ ഷാഫ്റ്റിൽ കയറി. ചണച്ചാക്കുകൊണ്ടായിരുന്നു കുഴൽക്കിണർ ഷാഫ്റ്റ് മൂടിയിരുന്നത്. കുട്ടി അതിൽ ചവിട്ടിയതോടെ കുഴൽക്കിണറിലേക്കു വീഴുകയായിരുന്നു.
പാടത്ത് കളിക്കുകയായിരുന്ന കുട്ടിയെ തെരുവുനായ്ക്കൾ ആക്രമിക്കാൻ ശ്രമിച്ചതോടെ കുട്ടി ഓടി കുഴൽക്കിണറിന്റെ ഷാഫ്റ്റിൽ കയറി. ചണച്ചാക്കുകൊണ്ടായിരുന്നു കുഴൽക്കിണർ ഷാഫ്റ്റ് മൂടിയിരുന്നത്. കുട്ടി അതിൽ ചവിട്ടിയതോടെ കുഴൽക്കിണറിലേക്കു വീഴുകയായിരുന്നു.