മോണ്ട്മെലോ(സ്പെയിൻ): ഫോർമുല വണ് കാറോട്ടത്തിൽ സ്പാനിഷ് ഗ്രാൻപ്രീയിൽ റെഡ്ബുള്ളിന്റെ മാക്സ് വെർസ്തപ്പൻ ജേതാവ്. സീസണിൽ വെർസ്തപ്പന്റെ തുടർച്ചയായ മൂന്നാം ജയമാണ്. റെഡ്ബുള്ളിന്റെതന്നെ സെർജിയോ പെരെസാണു രണ്ടാമതെത്തിയത്.
മേഴ്സിഡസിന്റെ ജോർജ് റസൽ മൂന്നാമതും ഫിനിഷ് ചെയ്തു. കാറിന്റെ തകരാറിനെത്തുടർന്ന് പോൾ പൊസിഷനിൽ ഒന്നാമതായിരുന്ന ചാൾസ് ലെക്ലെർക്കിന് 23 ലാപ്പിൽ മത്സരം അവസാനിപ്പിക്കേണ്ടിവന്നു. സ്പെയിനിലെ ജയത്തോടെ വെഴ്സ്പ്പാൻ ഡ്രൈവർമാരുടെ ചാന്പ്യൻഷിപ്പിൽ 110 പോയിന്റുമായി ഒന്നാമതെത്തി. 104 പോയിന്റുമായി ലെക്ലെർക്ക് രണ്ടാമതുണ്ട്. 85 പോയിന്റുമായി പെരെസ് മൂന്നാമതാണ്. ആറു ഗ്രാൻപ്രീയാണ് ഇതുവരെ പൂർത്തിയായത്.
വെർസ്തപ്പൻ ജേതാവ്
01:00 AM May 23, 2022 | Deepika.com