ബാലസോർ/ഒഡീഷ: ഡിഫൻസ് റിസേർച്ച് ആൻഡ് ഡെവലപ്മെന്റ് ഓർഗനൈസേഷൻ (ഡിആർഡിഒ)യും ഇന്ത്യൻ നേവിയും സംയുക്തമായി തദ്ദേശീയമായ വികസിപ്പിച്ച കപ്പൽവേധ മിസൈൽ പരീക്ഷിച്ചു. ചന്ദിപുരിലെ ഇന്റഗ്രേറ്റഡ് ടെസ്റ്റ് റേഞ്ചി (ഐടിആർ) ൽ നേവിയുടെ ഹെലികോപ്റ്ററിൽനിന്നാണ് മിസൈൽ വിക്ഷേപിച്ചത്. നാവികസേനയ്ക്കായി തദ്ദേശീയമായി നിർമിച്ച കപ്പൽ വേധ മിസൈൽ ആദ്യമായാണ് ആകാശത്തുനിന്ന് വിക്ഷേപിക്കുന്നതെന്ന് ഡിആർഡിഒ വൃത്തങ്ങൾ അറിയിച്ചു.