ലക്നോ: സയ്യിദ് മോദി ഇന്ത്യ ഇന്റർനാഷണൽ ബാഡ്മിന്റണ് ചാന്പ്യൻഷിപ്പിൽ ഇന്ത്യയുടെ പി.വി. സിന്ധു, മലയാളി താരം എച്ച്.എസ്. പ്രണോയ്, മിഥുൻ മഞ്ജുനാഥ് എന്നിവർ ക്വാർട്ടറിൽ.
പുരുഷ സിംഗിൾസിൽ പ്രിയാൻഷു രാജ്വാട്ടിനെ നേരിട്ടുള്ള ഗെയിമിനു കീഴടക്കിയാണ് പ്രണോയ് ക്വാർട്ടറിൽ പ്രവേശിച്ചത്. സ്കോർ: 21-14, 21-18. മലേഷ്യയുടെ സൂങ് ജൂ വെന്നിനെ 21-18, 21-15ന് മറികടന്നായിരുന്നു മിഥുന്റെ ക്വാർട്ടർ പ്രവേശം.
വനിതാ സിംഗിൾസിൽ അമേരിക്കയുടെ ലോറെൻ ലാമിനെ കീഴടക്കിയായിരുന്നു സിന്ധു അവസാന എട്ടിൽ ഇടംപിടിച്ചത്. 21-16, 21-13ന് ഇന്ത്യൻ താരം വെന്നിക്കൊടി പാറിച്ചു.
സിന്ധു, പ്രണോയ്, മിഥുൻ ക്വാർട്ടറിൽ
01:12 AM Jan 21, 2022 | Deepika.com